Perezida wa Repubulika ya Congo Denis Sassou Nguesso aratangira uruzinduko mu Rwanda

Kuri uyu wa Gatanu Perezida wa Repubulika ya Congo Denis Sassou Nguesso aratangira uruzinduko rw’iminsi itatu mu Rwanda.

Biteganyijwe ko akigera i Kigali yakirwa na Perezida wa Repubulika Paul KAGAME ku kibuga mpuzamahanga cy’indege cya Kigali hanaririmbwe indirimbo zubahiriza ibihugu byombi.

Abakuru b’ibihugu byombi kandi baragirana ibiganiro mu muhezo ibizwi nka tête-à-tête nyuma bayobore ibiganiro byaguye bihuza intumwa z’ibihugu byombi. 

Mu masaha ya nyuma ya saa sita kandi Perezida Sassou Nguesso kandi arasura Urwibutso rwa Jenoside rwa Kigali ndetse ageze ijambo ku bagize inteko ishinga amategeko.