RDB yasabye abikorera ubufatanye kugira ngo inama ya CHOGM izagende neza

AGEZWEHO

  • Kwibohora28: Intambwe yatewe mu buhinzi mu myaka 28 – Soma inkuru...
  • Kwibohora28: Ishusho y'ubukungu bw'u Rwanda 28 ishize – Soma inkuru...

RDB yasabye abikorera ubufatanye kugira ngo inama ya CHOGM izagende neza

Yanditswe Apr, 27 2022 16:28 PM | 107,942 Views



Inzego zitandukanye zirimo iza leta, abikorera n’imiryango itari iya leta bahuriye mu nama yari igamije kwigira hamwe ku myiteguro y’inama u Rwanda ruzakira ihuza abakuru b’ibihugu na za guverinoma zigize Umuryango w’Ibihugu bikoresha ururimi rw’Icyongereza, CHOGM n’amahirwe yitezwe muri iyi nama izaba muri Kamena uyu mwaka.

Ni inama kandi yitabiriwe na Minisitiri w’Ububanyi n’Amahanga, Dr Vincent Biruta.

Umuyobozi Wungirije w'Ikigo cy'Igihugu cy'Iterambere, RDB Niyonkuru Zephanie yavuze ko aya ari amahirwe kuba u Rwanda rugiye kwakira iyi nama, anagaragaza ko “Inshingano zacu ni ugushyiraho icyerekezo cy'u Rwanda cyo kuyobora ubucuruzi burambye ku bantu benshi. Tuzakoresha uru rubuga kugira ngo twereke ibihugu bigize Commonwealth ndetse n'isi ibyo u Rwanda rwagezeho mu myaka 28 ishize. ”

Yavuze ko kwakira abantu ibihumbi 5 baturutse hirya no hino ku isi, bitanga inyungu mu bukungu, atari amahoteri cyangwa ibigo bizakira izi nama gusa ahubwo no ku banyarwanda bose.

Umuyobozi Nshingwabikorwa wa PSF, Stephen Ruzibiza we yatangaje ko abikorera bakanguriwe kwitegura iyi nama kandi biteguye gukoresha amahirwe yatanzwe na CHOGM

Umuyobozi mukuru wa RDB, Claire Akamanzi yahamagariye abayitabiriye kwitabira cyane ibikorwa bya CHOGM, gushyiraho ubufatanye, no kwigaragaza kugira ngo bazungukire muri iyi nama.

"Turashaka ko ibi bihugu byose byo ku isi bibuka u Rwanda kandi bakavuga ku Rwanda igihe kirekire cyane, kubera ibyo babonye hano. Kugira ngo ibyo bishoboke, dukeneye ubufatanye bwawe n'ibitekerezo byawe.

Yavuze ko kugira ngo imyiteguro igende neza, hakenewe kwitegurwa mu nzego zitandukanye, u Rwanda rugaha ibyiza abashyitsi bazaza, ku buryo bazasubirayo bavuga ibyiza baboneye mu gihugu.


James Habimana



Ba uwambere gutanga igitekerezo

Tanga igitekerezo:



RSS FEED

Umugaba w'Ingabo za Ghana mu ruzinduko mu Rwanda

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo

Bamwe mu baturage batewe impungenge n’imibare y’abandura Covid-19 it