Rubavu: Igitero cyagabwe n'abantu batazwi

AGEZWEHO


Rubavu: Igitero cyagabwe n'abantu batazwi

Yanditswe April, 16 2016 at 17:12 PM | 3098 Views



Mu kagali ka Kabumba mu murenge wa Bugeshi, mu karere ka Rubavu, mu ijoro ryakeye abakekwaho kuba abarwanyi b'umutwe w'iterabwoba wa FDLR bagabye ibitero muri aka gace. 

Ibyo bitero byibasiye stasiyo ya polisi y'uyu murenge ndetse n'inyubako y’umurenge Sacco Turahumurijwe  n’amazu y’abaturage akorerwamo ubucuruzi. Itangazo ryaturutse muri ministeri y'ingabo rivuga ko inzego z'umutekano zahosheje aba barwanyi bari baturutse muri repubulika iharanira demokarasi ya congo kandi ko umutuzo umaze kugaruka muri aka gace.

Hari mu gihe cya saa sita z’ijoro, ubwo abakekwaho kuba abarwanyi b'umutwe w'iterabwoba wa FDLR bateye agacentre k’ubucuruzi ka Kabumba gaherereye m’umurenge wa Bugeshi mu karere ka Rubavu bitwaje intwaro. Amasasu yumvikanye yangije inyubako y’umurenge wa Sacco Turahumurijwe, bivugwa ko bashakaga kwiba ndetse n’inyubako z’abaturage zagiye zigerwaho n’amasasu.

Kugeza ubu, inzego z’ubuyobozi n’iz’umutekano zivuga ko, nta muntu wahasize ubuzima, nta n’uwakomeretse. Itangazo riturutse muri ministeri y'ingabo rivuga ko inzego z’umutekano zahosheje aba barwanyi bateye baturutse mu gihugu cya Repubilika Iharanira Demokarasi ya Congo mu gace ka I Buhumba gahana imbibe n’umurenge wa Bugeshi.

Inkuru irambuye mu mashusho:




Ba wambere gutanga igitekerezo

Tanga igitekerezo:



RSS FEED