Ruhango: Barifuza ko umuhanda Kirengeri-Gafunzo wakorwa

Mu gihe umuhanda uhuza Kirengeri, Gafunzo - Buhanda mu karere ka Ruhango utarasanwa, abakoresha bakanaturira uri kwifashishwa muri iyi minsi ariwo wa Kirengeri – Mwendo - Buhanda, baratangaza ko kubera imodoka ziremereye ziwukoresha, amateme basanganywe nayo azagenda yangirika, bityo bagasaba ko ibikorwa byo gusana uwarusanzwe ukoreshwa byakwihutishwa. Iki gitekerezo aba baturage bagihuriyeho kandi n’abashoferi bakoresha uwo muhanda munini wa Kirengeri, Gafunzo – Buhanda bavuga ko mu myaka ibiri ishize wagiye wangirika bigatuma ingendo zigorana cyane.