AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

Rusesabagina na Nsabimana Callixte bahawe imbabazi

Yanditswe Mar, 24 2023 17:18 PM | 38,183 Views



Paul Rusesabagina na Nsabimana Callixte uzwi nka Sankara bari bafunzwe kubera nyuma yo guhamwa n'ibyaha by’iterabwoba, bahawe imbabazi na Perezida wa Repubulika nyuma yo kwandika bazisaba.

Itangazo ryashyize ahagaragara ba Minisiteri y'Ubutabera kuri uyu wa Gatanu, risobanura ko nyuma y’icyemezo cy’Inama ya Minisitiri yo kuwa 24/3/2003, hanashingiwe kandi ku ngingo ya 228 y’Itegeko rigenga Imiburanishirize y’Imanza Nshinjabyaha, ibihano by’igifungo by’abantu bakurikira bahamwe n’ibyaha bijyanye n’iterabwoba byababariwe n’Iteka ryaPerezida wa Repubulika, nyuma yo gusuzuma no kwemera ugusaba imbabazi kw'aba bagabo babiri.

Abandi bantu18 bahoze ari abarwanyi b’umutwe MRCD-FLN bahamijwe ibyaha mu rubanza rumwe n’abari abayobozi babo Paul Rusesabagina na Callixte Nsabimana nabo bahawe imbabazi hashingiwe ku Ngingo ya 229.

Mu mategeko y’uRwanda, guhabwa imbabazi z’igihano ntibihanagura icyaha uba warahamijwe n’inkiko.

Minisiteri y'Ubutabera ivuga ko umuntu wese ufunguwe igihe yari yarakatiwe kitageze, iyo yongeye gukora icyaha nk’icyo yari yarahamijwe, imbabazi z’igihano yari yarahawe zita agaciro bityo akarangiza igihano yari yarahawe nk’uko byagenwe mu Iteka rya Perezida wa Repubulika.

Ibindi bihano byatanzwe n’inkiko, nk’indishyi zagenewe abahohotewe, ntabwo birebwa n’ivanwaho ry’ibihano, byo bigomba gushyirwa mu bikorwa. 

Abandi bantu bahamwe n’ibyaha mu madosiye adafitanye isano n’abavuzwe nabo bahawe imbabazi hashingiwe kungingo ya 228, aba ni Ronaldo Bill Rutayisire, Justin Nsengiyumva na Ephraim Rwamwenge.

Minisiteri y'Ubutabera ivuga ko abandi bantu 358 bari barahamijwe ibyaha bitandukanye nabo bahawe imbabazi rusange hashingiwe kungingo ya 229.

Muri Nzeri 2021 nibwo Urukiko rwakatiye Paul Rusesabagina gufungwa imyaka 25 kuko rwasanze hari bimwe mu byaha byamuhamaga bijyanye n’ibikorwa by’iterabwoba yari akurikiranweho. 

Ku bandi baregwaga muri uru rubanza 8 bakatiwe gufungwa imyaka 20 barimo Nsabimana Callixte wiyise Sankara, Matakamba Berchmans, Bizimana Cassien, Nsabimana Jean Damascene (Motari), Nizeyimana Marc, Byukusenge Jean Claude, Ntibiramira Innocent na Shabani Emmanuel.



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur