Rusizi: Ushinzwe ubworozi yatawe muri yombi

Ku munsi w’ejo ku wa Gatatu, umukozi ushinzwe ubworozi mu Karere ka Rusizi Bwana Oscar Nsabimana yatawe muri yombi na polisi, akekwaho kunyereza amafaranga yari agenewe kugura inka muri gahunda ya Girinka, zitangwa n’ikigega gishinzwe gufasha abatishoboye barokotse Jenoside yakorewe Abatutsi (FARG).

Bivugwa ko izo nka zari zigenewe abarokotse batishoboye bo mu Murenge wa Bweyeye.

Umuvugizi wa Polisi mu Ntara y’Uburengerazuba, IP Jean Damascene Hodari Ngemanyi, yemereye Radio Rwanda ko Nsabimana afunzwe, ariko yirinda kugira byinshi abivugaho.

Kugeza ubu, Nsabimana afungiye kuri sitasiyo ya polisi ya Kamembe.