Tariki 14 Mata 1994: Abatutsi bari bahungiye i Kibeho barishwe

Abarokotse jenoside yakorewe Abatutsi bari bahungiye i Kibeho mu Karere ka Nyaruguru, bavuga ko bahahungiye bahizeye amakiriro kuko ari ku butaka butagatifu, ariko ibi ngontibyakanze abicanyi kuko tariki ya 14 Mata 1994, interahamwe n'abasirikare babirayemo bakabica.

Abari bahungiye aha i Kibeho ni abari bavuye mu zahoze ari amakomini ya Rwamiko, Mubuga, Kivu, Mudasomwa na Runyinya.

Bugingo Aphrodice na Rugema Jerome ni bamwe mu barokokeye i Kibeho. Bavuga ko n'ubwo benshi mu bari bahungiye i Kibeho bahiciwe, ngo ababashije kurokoka ntibaheranywe n'ayo mateka mabi, ahubwo bariyubatse kuri ubu ngo babayeho neza.

Guverineri w'Intara y'Amajyepfo Kayitesi Alice asaba abantu gukomeza kurangwa n'ubworoherane no muri iyi minsi 100 yo kwibuka, kandi abakifitemo ingengabitekerezo ya Jenoside bakayireka.

Mu Rwibutso rwa Jenoside yakorewe Abatutsi rwa Kibeho haruhukiyemo imibiri y'Abatutsi bishwe muri Jenoside isaga ibihumbi 30.

Jean Pierre Ndagijimana