U Rwanda nta ngabo rwongereye ku mupaka wa UGANDA

Guverinoma y’u Rwanda iratangaza ko umutekano w’u Rwanda n’abanyarwanda urinzwe bihagije bityo ko nta mpamvu n’imwe yatuma rwongera umubare w’ingabo ku mipaka yarwo muri iki gihe. 

Mu kiganiro yagiranye n’abanyamakuru, umuvugizi wa Guverinoma y’u Rwanda akaba na minisitiri w’ububanyi n’amahanga Dr Richard Sezibera, yavuze ko atazi ahavuye amakuru yakwirakwijwe mu binyamakuru bimwe byo muri Uganda yo kongera ingabo z’u Rwanda ku mipaka yarwo n’iki gihugu, ashimangira ko nta shingiro afite.