U Rwanda rugiye kwakira inama y’ishyirahamwe rya Banki Nkuru zo muri Afurika

AGEZWEHO


U Rwanda rugiye kwakira inama y’ishyirahamwe rya Banki Nkuru zo muri Afurika

Yanditswe July, 27 2019 at 12:22 PM | 8016 Views



Guhera tariki ya 28 Nyakanga uyu mwaka, i Kigali harateranira inama y’Ishyirahamwe nyafurika rya Banki Nkuru z’ibihugu (AACB).

Ishyirahamwe AACB ryashinzwe mu 1963 mu nama y’Abakuru b’Ibihugu na za Guverinoma  bahuriye mu Muryango wa Afurika yunze Ubumwe yabereye Addis Abeba muri Etiyopiya.

Nk’uko bigaragara ku rubuga rwa Twitter rwa Banki Nkuru y’u Rwanda, iyi nama izitabirwa n’abantu basaga 400, bagizwe na ba guverineri ba za banki nkuru z’ibihugu ndetse n’abandi bayobozi bakuru bazo, abagira uruhare mu gushyiraho politiki z’ubukungu, abarimu ba za kaminuza ndetse n’abandi bayobozi mu ngeri zinyuranye.

Iri shyirahamwe rifite intego yo guteza imbere ubufatanye mu bijyanye n’ifaranga, amabanki ndetse no mu bukungu muri rusange, ibi bikaba biri mu rwego rwo kugira ifaranga rihuriweho muri Afurika yose ndetse na Banki nkuru imwe.

Hanateganyijwe ko hazunguranwa ibitekerezo mu bijyanye no kuba Afurika yagira ubukungu butajegajega.

Biteganyijwe ko iyi nama  izasoza imirimo yayo tariki ya 1 Kanama uyu mwaka.




Ba wambere gutanga igitekerezo

Tanga igitekerezo:



RSS FEED