AGEZWEHO

  • Abadepite batangiye gusuzuma umushinga w'itegeko witezweho kongerera ububasha Polisi – Soma inkuru...
  • Ku munsi mpuzamahanga wa mwalimu mu Rwanda abarimu bishimiye ko leta yita ku mibereho yabo – Soma inkuru...

U Rwanda rurashimirwa uko ruza ku isonga mu gukingira umubare munini w'abaturage Covid19

Yanditswe Aug, 08 2022 17:25 PM | 70,800 Views



Ikigo Nyafurika gishinzwe kurwanya indwara n'ibyorezo, Africa CDC cyatangirije i Kigali gahunda izafasha u Rwanda kwesa umuhigo rwihaye w’uko uyu mwaka uzarangira rufite abaturage 86% bakingiwe Covid-19.

Ni gahunda izwi nka Save lives and livelihoods cyangwa se kurengera ubuzima n'imibereho ugenekereje mu kinyarwanda, igamije gufasha ibihugu bya Afurika gukingira abaturage icyorezo cya COVID19 byibura bakagera ku gipimo cya 70%.

Umuyobozi w'ishami rishinzwe kurwanya SIDA n'izindi ndwara z'ibyorezo mu kigo cy'igihugu cy'ubuzima RBC avuga ko izafasha inzego z'ubuzima mu Rwanda binyuze mu nkingi enye.

Inzego z'ubuzima mu Rwanda zivuga ko kugeza ubu abasaga 70% bamaze kubona byibura doze imwe y'urukingo rwa COVID19, 68%, bakaba bamaze gufata doze ebyiri mu gihe 40% bamaze gufata doze ya mbere yo gushimangira.

Umuyobozi w'ikigo Africa CDC mu karere ka Afurika y'Iburasirazuba, Dr. Ashamyelesh Kifle DEBELA avuga ko icyo kigo gitewe ishema no kuba u Rwanda ruri mu bihugu biza ku isonga mu gukingira umubare munini w'abaturage bityo rukaba rukwiye gushyigikirwa.

"Dutangije ku mugaragaro iyi gahunda mu gihe guverinoma y'u Rwanda yamaze gutangaza gahunda yo gukingira abana bari hagati y'imyaka 5 na 11 ndetse no gutanga doze ya kabiri ishimangira ku bafite imyaka 60 kuzamura ndetse n'abafite imyaka 50 kuzamura barwaye indwara zitandura. Ubu u Rwanda rufite intego yo gukingira byuzuye byibura abagera kuri 86% mbere y'uko uyu mwaka urangira. Mu cyiciro cya mbere cy'iyi ganhunda kizamara umwaka twateganyije agera kuri miliyoni 2 z'amadorali, ni ukuvuga, miliyari 2 z'amanyarwanda. Dukomeje kandi ibiganiro na bagenzi bacu hano mu Rwanda kugirango turebe uburyo twakongera inkunga."

Muri aka karere ka Afurika y'Iburasirazuba kagizwe n'ibihugu 14, u Rwanda rubaye igihugu cya 3 gitangirijwemo iyi gahunda ya Save lives and livelihoods nyuma y'ibihugu bya Ethiopia na Kenya.

Divin Uwayo



Ba uwambere gutanga igitekerezo

Tanga igitekerezo:



RSS FEED

Abageze mu za bukuru baravuga ko biteguye kwakira urukingo rwa 2 rushimangira rw

Abaturage basabwe kutirara kuko ubwandu bwa COVID 19 bwongeye kuzamuka

U Rwanda rwagaragaje ko ikoranabuhanga ryarufashije mu guhangana na Covid 19

Kwibohora28: Perezida Kagame asanga iby'u Rwanda rwagezeho byivugira

Bavuga ko baruhutse agapfukamunwa: Imbamutima z'abaturage

Perezida Kagame yavuze uko ikoranabuhanga ryafashije u Rwanda mu guhangana na CO