U Rwanda rwahaye ikaze Antony Blinken ugiye kurusura

AGEZWEHO

  • BNR yazamuye igipimo cy’inyungu iheraho inguzanyo banki z’ubucuruzi – Soma inkuru...
  • Abatega bava cyangwa bajya mu Mujyi wa Kigali barataka kubura imodoka – Soma inkuru...

U Rwanda rwahaye ikaze Antony Blinken ugiye kurusura

Yanditswe Aug, 04 2022 16:35 PM | 69,819 Views



U Rwanda rwahaye ikaze Umunyamabanga Leta wa USA ushinzwe Ububanyi n’Amahanga, Antony Blinken, uzasura u Rwanda mu Cyumweru gitaha.

Minisiteri y'Ububanyi n'Amahanga n'Ubutwererane ivuga ko uru ruzinduko rwitezweho gushimangira umubano w'ibihugu byombi mu nzego zinyuranye zirimo kubungabunga amahoro, ubuzima, umutekano w’ibiribwa n’ingufu ku isi, ubucuruzi n’ishoramari, kurwanya iterabwoba, n’imihindagurikire y'ibihe.

U Rwanda rwavuze ko gukemura ibibazo by’umutekano mu karere k’ibiyaga bigari ari ingenzi cyane, kandi  rwiyemeza kugira uruhare rwose mu gushaka ibisubizo birambye.

Ruvuga ko muri uru ruzinduko hazanaganirwa ku miyoborere n'uburenganzira bwa muntu, nk'uko biri mu mubano w'u Rwanda na Amerika.

MINAFFET yatangaje kandi ko uyu ari umwanya mwiza wo kugaragariza Antony Blinken, ko ifatwa ry'Umunyarwanda Paul Rusesabagina n’ibyaha bikomeye byibasiye abaturage b’u Rwanda (hamwe n’abandi 20 bari muri rubanza rumwe), rikurikije amategeko y’u Rwanda na mpuzamahanga.



Ba uwambere gutanga igitekerezo

Tanga igitekerezo:



RSS FEED