UBUSESENGUZI: ABANYARWANDA BARUSHAHO KUGIRA IMIBEREHO MYIZA

UBUSESENGUZI: ABANYARWANDA BARUSHAHO KUGIRA IMIBEREHO MYIZA

Yanditswe March, 18 2019 at 08:09 AM | 3055 Views



Abasesenguzi mu bukungu n'abaturage baravuga ko mu gihe ubukungu bw'u Rwanda bukomeza kuzamuka, hakongerwa imishinga y'iterambere no mu bice by'icyaro kugira ngo izamuka ry'ubukungu rigere mu mpande zose z'igihugu. Ibi ngo byafasha no kuzamura umusaruro mbumbe w'igihugu.

Abaturage bavuga ko basanga Abanyarwanda barushaho kugira imibereho myiza ugereranyije n'imyaka yo hambere. 

Umwe muri bo ni uwitwa Niyibaho Bertilde, umuhinzi w'urutoki mu Murenge wa Masaka, Akarere ka Kicukiro. Ubu buhinzi bw'ibitoki by'inyamunyu abukorera ku buso bungana na hegitari imwe n'igice. Kuri we abona ubuhinzi bugenda bufata umurongo kuko kuri ashobora kubona toni y'ibitoki buri kwezi kandi akaba anafite isoko ryabyo mu Mujyi wa Kigali.

Gusa hari n'abavuga ko bitabujije ko hari abakeneye kuzamurwa kugirango imibereho myiza iganisha ku bukungu igere kuri benshi bashoboka bityo ntihabe icyuho kinini ku bakize n'abakennye.

Abakurikiranira hafi Politiki y'Ubukungu mu Rwanda bahamya ko u Rwanda rwahindutse ku buryo bugaragara kandi mu nzego zose by'umwihariko mu mugi wa Kigali. Bongeraho gusa ko izi mpinduka mu bukungu zikwiye gushyigikirwa n'imishinga itanga akazi yerekezwa mu bindi bice by'igihugu kugira ngo abaturage bose bazamukire rimwe aho kurebera ubukungu mu murwa mukuru wonyine nk'uko bisobanurwa na Prof Ndikumana Viateur.

Ministeri y'Imari n'Igenamigambi ubwo yamurikaga uko umusaruro mbumbe w'igihugu wari uhagaze mu mwaka ushize wa 2018, yagaragaje ko umusaruro w'inganda wazamutse ku gipimo cya 10%, imitangire ya serivisi izamuka ku rwego rwa 9% naho ubuhinzi buzamuka ku gipimo cya 6%. 

Ministre Dr Uzziel Ndagijimana asobanura ko hari imbaraga nyinshi zashyizwemo kugira ngo ibi bigerweho.

Mu mwaka ushize umusaruro mbumbe w'igihugu (GDP) wazamutse ku gipimo cya 8.6%.


Inkuru ya Jean Claude Mutuyeyezu



Ba wambere gutanga igitekerezo

Tanga igitekerezo:



RSS FEED

LE RWANDA LANCE LA CAMPAGNE 'BAHO NEZA'

UBUSHINWA BWIJEJE U RWANDA KONGERA UBUFATANYE

UBUSHINWA BWASHYIKIRIJE U RWANDA IMPANO Y'IGOROFA

U RWANDA NA QATAR : HASINYWE AMASEZERANO Y'UBUFATANYE

Umuyobozi w’Ikirenga wa Qatar yitezwe mu Rwanda

VISI PEREZIDA WA SENA MU BUSHINWA YASUYE URWIBUTSO RWA GISOZI