URUKIKO RWABURANISHIJE UREGWA GUSEBYA UMUKURU W'IGIHUGU

AGEZWEHO

  • Sena yasuzumye ishingiro ry’Umushinga w’Itegeko Ngenga rigenga Ibigo bya Leta – Soma inkuru...
  • Imibereho myiza, uburumbuke, agaciro, bizagerwaho bishingiye ku bumwe bufite intego-Perezida Kagame – Soma inkuru...

URUKIKO RWABURANISHIJE UREGWA GUSEBYA UMUKURU W'IGIHUGU

Yanditswe Apr, 18 2019 07:30 AM
3,991 Views



Urukiko rukuru ku gicamunsi cy'uyu wa 3 rwaburanishije uwitwa Muragijimana Théogène ushinjwa kugirira nabi ubutegetsi buriho na Perezida wa Repubulika, gusebya umukuru w'igihugu n'ingengabitekerezo ya jenoside no guteza imvururu muri rubanda.

Uru rubanza rwafatiwe umwanzuro wo gusubikwa ngo hazashakishwe impuguke mu ikoranabuhanga zizagaragaza neza abahererekanyaga ubutumwa bufatwa nk'umuzi bw'ibyaha.

Ubushinjacyaha bwavuze ko ibyaha Muragijimana Théogène ashinjwa bishingiye ku rubuga rwa "WhatsApp" rwiswe "Ndi umudemokarate" rwashinzwe kandi ruyoborwa n'uwitwa Matabaro, rukaba rwarahererekanywaho ubutumwa bugaragaza umugambi wo kugirira nabi ubutegetsi buriho na Perezida wa Repubulika, gusebya umukuru w'igihugu n'ingengabitekerezo ya jenoside ndetse no guteza imvururu muri rubanda.


Mu miburanishirize y'uru rubanza, perezida w'inteko iburanisha yabanje gusuzuma niba ibyaha byose Muragijemana ashinjwa biri mu bubasha bwarwo cyangwa niba bimwe muri byo nk'icy'ingengabitekerezo ya jenoside, byakoherezwa kuburanishirizwa mu rukiko rwisumbuye.

Ku ruhande rw'ubushinjacyaga, urw'uregwa hamwe n'umwunganizi we, bifuje ko ibirego bikubiye muri uru rubanza byakomeza kuburanishirizwa hamwe kuko byari mu mugambi umwe, kandi bakaba basanga ko biburanishijwe imparakubiri byatinza urubanza cyangwa hagafatwa ibihano bitandukanye bishobora kubangamira imyanzuro y'inkiko zombi.

Urukiko rumaze kwemera kuburanisha urwo rubanza, ubushanjacyaha bwerekanye ko Muragijimana Theogene yimanye nkana umubare cyangwa ijambo ry'ibanga (Password) ngo hafungurwe telefeni ye igendanwa, bityo hamenyekane ubutumwa yagiye ahererekanya na bagenzi be. Cyakora, ngo ubugenzacyaha bwifashishije impuguke mu koranabuhanga bwinjiye muri urwo rubuga bukuramo ubutumwa bwose bwanditswe n'ibimenyetso byavuye kuri Telefoni y'uregwa maze ubwo butumwa bukusanyirizwa mu gitabo (print out), cyagaragajwe mu rukiko.

Ubushinjacyaha byagaragaje ko nyuma y'aho ariko, hakozwe ikindi gitabo kigaragaza ubutumwa na numero y'uwabwohereje, ndetse n'amagambo avuga ngo ''Yezu ni umwami w'ubuzima'' yabaga yanditse ku muyoboro wa watsapp bita ''Status''.


Gusa, Muragijimana n'umwunganira mu mategeko basabye ko mu miburanishirize y'uru rubanza mu mizi hazifashishwa impuguke yigenga kugira ngo isobanure neza uko yageze kuri ubwo butumwa, kandi basaba ko icyo gitabo cya 2 kitahabwa agaciro, ko icyo bemera ari icyagaragajwe mu ibazwA ku ya 19 werurwe 2017.

Ni ku nshuro ya 3 uru rubanza rumaze imyaka isaga 2 ruburanishwa n'urukiko rukuru. Hakaba hafashwe umwanzuro ko ruzakomeza kuburanishwa tariki 03 Kamena saa mbiri n'igice za mu gitondo, hazanywe impuguke mu ikoranabuhanga yo kunganira urukiko.

Inkuru ya John BICAMUMPAKA




Ba uwambere gutanga igitekerezo

Tanga igitekerezo:



RSS FEED

MINECOFIN itangaza ko kubera COVID19 imisoro yari iteganyijwe izagabanukaho mili

Umuryango: Isôoko tuvomamo imbaraga mu bihe bikomeye

In uncertain times, family is our strength

President Kagame appoints new Director of Cabinet, State Minister for Agricultur

Statement on Cabinet decisions of 6th March 2020

Ibyemezo by'Inama y'Abaminisitiri idasanzwe yo kuri uyu wa Gatanu