Ubufatanye bw'ibihugu burakenewe mu kubungabunga amahoro n'umutekano ku isi--RDF

Ubufatanye bw'ibihugu burakenewe mu kubungabunga amahoro n'umutekano ku isi--RDF

Yanditswe August, 28 2018 at 22:25 PM | 61749 Views



Mu gihe ibikorwa bihungabanya amahoro n'umutekano bikomeje guhindura isura, ubuyobozi bw'ingabo z'u Rwanda, RDF, busanga hakenewe ubufatanye bw'ibihugu mu gushakira umuti urambye iki kibazo. Ibi ni bimwe mu bikubiye mu butumwa bwahawe abasoje imyitozo yari imaze ibyumweru 2 ibera mu ishuri rya gisirikare I Gako mu karere ka Bugesera.

Iyi myitozo yari igamije gufasha ba ofisiye bato n'abakuru mu ngabo na polisi gusobanukirwa kurushaho uburyo bwo gutegura no gutanga amabwiriza ayobora abandi mu butumwa bwa Loni bwo kubungabunga no kugarura amahoro.

Imyitozo yakozwe yibandaga ku buryo ubutumwa bwa Loni muri Central Africa, MINUSCA, bwarushaho kuzuza inshingano y'ibanze yo kurinda abasivili.

Iyi myitozo izwi nka Shared Accord, ni ubwa mbere ibereye mu Rwanda mu nshuro 18 imaze kuba. Ambasaderi wa Leta zunze ubumwe za Amerika mu Rwanda Peter Vrooman, asanga u Rwanda hari byinshi ibindi bihugu byarwigiraho mu birebana n’ubutumwa bwo kubungabunga amahoro.

Abasaga 200 baturutse mu bihugu 12 ni bo bahawe iyi myitozo yatangiye tariki 14 z'uku kwezi kwa 8 mu ishuri rya gisirikare ry’i Gako mu karere ka Bugesera. 



Ba wambere gutanga igitekerezo

Tanga igitekerezo:



RSS FEED

BARASHIMA IBIKORWA BY'ITERAMBERE RDF IBAGEZAHO

Perezida wa Repubulika Paul Kagame yakoze impinduka mu gisirikare

AMAFOTO - Abasirikare bashya basabwe kurangwa n'umurava muri RDF

Uruzinduko rw'Umugaba mukuru w’ingabo z’u Rwanda Gen Nyamvumba

Inzobere zisanga Afrika ikwiye kwishakamo ibisubizo mu bijyanye n'umutekano

Kamonyi: RDF yifatanije n'abaturage mu bikorwa by'ubuhinzi