Yanditswe Sep, 08 2020 11:12 AM | 51,613 Views
Bamwe mu bakora ubuhinzi mu Rwanda baravuga ko bushobora guhindura imibereho yabo bitandukanye n'imyumvire bahoze bafite yo guhingira kurwanya inzara gusa. Ibi ariko bagaragaza ko bishoboka mu gihe ubuhinzi bukozwe kinyamwuga, bugafasha abaturage kwihaza mu biribwa.
Mu masaha y'amanywa umugabo w'imyaka 58 Kabaye Evariste ari mu gishanga cya Gacurabwenge mu karere ka Kamonyi arimo kuhira umurima w'ibitunguru.
Uyu mugabo avuga ko ubuhinzi bwahinduye isura, aho kuri are 5 ashobora kuhavana umusaruro umuha ibihimbi 200 ku gihembwe kandi bahinga ibihembwe 3 byose by'ihinga. Ibi abihuriyeho na Mukakaberuka Angelique wahinze intoryi muri iki gishanga.
Ni ubuhinzi bugegezweho bukorwa na koperative Impabaruta, bugakorwa n'abahinzi 824 kuri ha 60. Ubu mu bubiko bw'iyi koperative habitse toni 246 z'imbuto y'ibigori byatubuwe bagurisha abandi bahinzi. Umuyobozi w'iyi koperative Impabaruta Ndahayo Jean Damascene avuga ko umwaka ushize buri muhinzi yasaruye toni 4.5 z'ibigori kuri hegitari 1, ubu intego ni uko iki gihembwe cy'ihinga cya 2021 A hazaboneka toni 5 kuri hegitari.
Minisitiri w'Ubuhinzi n'ubworozi avuga ko iterambere ry'imijyi no kuba buri muntu aba ashaka gutera imbere biri mu bintu bihindura umwuga w'ubuhinzi.
Inama Mpuzamahanga ihuza ibihugu bya Afurika (Africa Green Revolution Forum) ivuga ku iterambere ry'ubuhinzi muri Afrika irateranira i Kigali kuva kuri uyu wa 2 kugera kuwa 5 w'iki cyumweru, hifashishijwe ikoranabuhanga. U Rwanda rwakiriye iyi nama ruvuga ko ruyitezeho inyungu z'uburyo bwinshi:
Iyi nama ibaye mu gihe 20% ni ukuvuga miriyoni 277 by'abatuye umugabane wa Afurika bafite ikibazo cy'ibiribwa. Imibare yo muri 2018 igaragaza ko u Rwanda rwihagije mu biribwa ku kigero cya 81.3%.
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru