Ubushakashatsi bwa RGB bugaragaza izamuka mu mitangire ya serivise mu baturage

AGEZWEHO

  • Africa Day: Minister Biruta calls for renewed spirit of Pan-Africanism – Soma inkuru...
  • Inararibonye zisanga hari icyizere cyo kuba Afurika izibohora – Soma inkuru...

Ubushakashatsi bwa RGB bugaragaza izamuka mu mitangire ya serivise mu baturage

Yanditswe Feb, 07 2018 20:40 PM
8,591 Views



Urwego rw’igihugu rw’imiyoborere ruratangaza ko igipimo cy’uko abaturage babona imitangire ya serivisi mu nzego zitandukanye cyazamutse ku gipimo 10%. Gusa abaturage bo basanga hagikenewe izindi mbaraga mu kunoza imitangire ya serivisi

Ni ku nshuro ya 5 urwego rw’igihugu rw’imiyoborere RGB rukora ubu bushakashatsi, aho abaturage batanga ishusho yabo  ku miyoborere, imikorere n’imitangire ya servisi mu gihugu. Bamwe muri aba baturage bo mu ntara y’iburasirazuba bavuga ko nubwo hari byinshi bimaze gukorwa bikwiye ko zimwe mu nzego za kwikubita agashyi.

Ubwo hamurikwaga ibyavuye muri ubu bushakashatsi ku rwego rw’ igihugu by’umwihariko mu ntara y’iburasirazuba Dr. Félicien Usengumukiza, umuyobozi ushinzwe ubushakashatsi muri RGB yavuze ko ibipimo byazamutse ugereranyije  n’umwaka wabanjirije. Yagize ati, "...uyu mwaka ushize twari ku gipimo cya 67.1% ari ubu tugeze kuri 70%  nubwo bitaragera ku gipimo twihaye muri porogaramu y’imbaturabukungu gusa igishimishije hazamutseho 3% ku rwego rw’igihugu by’umwihariko intara y’iburasirazuba yagiye hejuru y’impuzandengo y’igihugu aho yabonye 73.3%."

Naho mu rwego rw’ubukungu, ubu bushakashatsi bugaragaza ko ku rwego rw’igihugu imibare iri kuri 61.5%. Ku rwego rw’intara y’iburasizuba ubuhinzi buri kuri  59.89%, naho ubworozi bufatiye runini umukamo w’igihugu buri kuri 66.97%, ari naho umuyobozi w’iyi ntara Fred Mufuruke ahumuriza abaturage ku kibazo cy’isoko ry’uyu mukamo.

Ubu bushakashatsi bwakorewe mu ngo 11.000 mu turere 30 tugize igihugu cyose bugaragaza ko hari ibyiciro bikiri hasi kandi bigaragara ko bikora ku buzima bwa buri munsi bw’abaturage nk’ubuhinzi, ubworozi, imibereho myiza y’abaturage n’uruhare rwabo mu bibakorerwa.



Ba uwambere gutanga igitekerezo

Tanga igitekerezo:



RSS FEED

RGB iranenga zimwe mu mbuga za bimwe mu bigo bya Leta n’ibyigenga zitagara

Isuzuma rya RGB ryasanze serivisi zihabwa abafite ubumuga ziri ku gipimo cyo has

Ubuhinzi, ubworozi, uburezi, hamwe abaturage bifuza ko hongerwamo imbaraga

Abagize Inteko basabye ko hacukumburwa impamvu inkingi y’imibereho myiza y

Byinshi mu bipimo by’imiyoborere byaragabanutse ugereranyije n’umwak

Kubona amakuru byavuye kuri 69.6% mu 2016 bigera kuri 72.4% mu 2018--RGB