Yanditswe Nov, 27 2021 19:34 PM | 74,529 Views
Mu gihe isi yose ihangayikishijwe n'ubwoko bushya bwa Covid19, Minisitiri w'Ubuzima Dr Daniel Ngamije arasaba abantu kwitabira gahunda yo kwikingiza kuko ari bumwe mu buryo bwo kwirinda ko uwanduye iyi virus yaremba cyangwa ngo ahitanwe nayo.
Ku rundi ruhande, abaturage basanga harabayeho kudohoka ku mabwiriza kuri bamwe bitwaje ko bakingiwe.
Mu Mujyi wa Kigali, abaturage bari kujya no kuva mu bikorwa byabo bitandukanye. Ni mu gihe ingamba zo kwirinda Covid 19 zikomeje.
Bamwe bambaye udupfukamunwa, abandi batwambaye nabi, iki ni ikimenyetso cy'uko habayeho kudohoka ku mabwiriza y'ubwirinzi kubera imyumvire ya bamwe y'uko bamaze kwikingiza, gusa bafite amakuru y'uko hari ubundi bwoko bwa Covid19 yihinduranyije.
Hashize hafi umwaka isi yose ihanganye n'ubwoko bushya bwiswe Delta ndetse imibare y'abandura n'abahitanwa na Covid19 yikubye inshuro nyinshi:l.
Mu Rwanda abamaze guhitanwa na yo ni 1.341, mu minsi 7 ishize bari 2 mu gihe abanduye mu minsi 7 bari 115 bangana na 0.1% by'igipimo cy'ubwandu.
Minisitiri w'Ubuzima Dr Daniel Ngamije, asobanura ko mu bihugu binyuranye by'isi, muri iyi minsi hadutse ubwoko bushya bwa Covid19 kandi bufite ubukana buri ku rwego rwo hejuru ashingiye bipimo by'uko yihuta mu kwandura.
Nubwo mu Rwanda ibikorwa hafi ya byose byamaze gusubukurwa ibindi bigasubukurwa buhoro buhoro, abaturage bavuga ko bikwiye ko ingamba z'ubwirinzi zakazwa kugira ngo ubu bwoko bushya butazagera mu gihugu.
Minisiteri y'Ubuzima yamaze gutangaza ko guhera tariki 28 Ugushyingo, umuntu wese winjiye mu gihugu agomba kumara amasaha 24 mu kato muri hoteli zagenwe kandi yiyishyurira ikiguzi cyose kijyanye na serivisi yahawe; gusa Minisitiri w'Ubuzima Dr Daniel Ngamije ashishikariza abantu kwikingiza kuko ari imwe mu nzira zikomeye zo kurwanya Covid 19.
Kugeza ubu abantu bamaze guhabwa dose ya mbere y'urukingo rwa Covid19 basaga gato miliyoni 5 n'ibihumbi 900, mu gihe abafashe doze zombi nabo basaga miliyoni 3 n'ibihumbi 100, intego akaba ari uko nibura 40% by'abagomba guhabwa urukingo bazaba barubonye mbere y'uko uyu mwaka urangira.
Jean Claude MUTUYEYEZU
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru