Umuryango imbuto Foundation wahembye imishinga 4 y'urubyiruko yahize indi mu marushanwa ya IAccelerator

AGEZWEHO

  • Urubyiruko rw'abanyeshuri mu marushanwa ajyanye n'inama ya CHOGM – Soma inkuru...
  • Louise Mushikiwabo agiye kugeza umuganda mu bihugu byose bigize OIF – Soma inkuru...

Umuryango imbuto Foundation wahembye imishinga 4 y'urubyiruko yahize indi mu marushanwa ya IAccelerator

Yanditswe May, 13 2022 19:45 PM | 109,403 Views



Umuryango imbuto Foundation wahembye imishinga 4 y'urubyiruko yahize iyindi mu marushanwa yiswe IAccelerator abaye ku nshuro ya 4, aya marushanwa akaba yaribanze ku gutoranya imishinga itanga ibisubizo bibazo bibangamiye umuryango nyarwanda.

Urubyiruko rwahatanye mu marushanwa ya IAccelerator icyiciro cya 4, rwasabwe kugaragaza imishinga ishobora gutanga ibisubizo ku bibazo by'ubuzima bwo mu mutwe n'ubuzima bw'imyororokere.

Imishinga isaga 490 y'urubyiruko niyo yakiriwe hatoranywamo imishinga 4 ihiga iyindi, buri mushinga ugenerwa ibihumbi 10 by'amadorari ni ukuvuga agera muri miriyoni 10.

Abatsinze bavuga ko babonye uburyo bwo gushyira mu bikorwa imishinga yabo bagashima urubuga urubyiruko rwashyiriweho rubaha amahirwe yo kugaragaza ubumenyi rufite.

Umuyobozi wungirije w'Umuryango Imbuto Foundation, Umutesi Geraldine avuga ko aya marushanwa mu rubyiruko arimo gutanga ibisubizo.

Ni mu gihe umuyobozi mukuru wungirije mu kigo cy'igihugu gishinzwe ubuzima, Noella Bigirimana avuga ko urubyiruko rukwiye kugira uruhare mu gushaka ibisubizo by'ibibazo bibangamiye abaturage cyane ibijyanye n'inda ziterwa abangavu.

Ati "Bimwe mu bintu by'ingenzi muri Leta yacu ni uguteza imbere urubyiruko rwacu, imibereho myiza ishobora gukomwa mu nkokora n'ibibazo bishingiye ku buzima bwo mu mutwe, ndetse no kugira amakuru adahagije ku buzima bw'imyororokere kubera ubukangurambaga budahagije, kutabona serivisi z'ubuzima bw'imyororokere, ibi ni ibyiciro bigomba gushyirwamo imbaraga mu buryo buhoraho, urubuga nk'uru rufite umwihariko wo kuba ahari urubyiruko ruzana ibisubizo binyuze ku ku nkunga urubyiruko rubona iba ikenewe kwagura ibitekerezo byabo n'ibisubizo."

Mu biganiro byatanzwe kandi urubyiruko rwahawe umukoro wo kwirinda ibiyobyabwenge no kubirinda abandi, urubyiruko kandi rwagaragarijwe umubabane wa Afurika ufite byinshi rwaheraho rukiza imbere.

U Rwanda rukaba rukaba rushyize imbere urubyiruko muri gahunda zose z'igihugu zigamije iterambere.

Kwizera John Patrick



Ba uwambere gutanga igitekerezo

Tanga igitekerezo:



RSS FEED

Abasirikare ni abenegihugu nk’abandi ntibakwiye guhezwa mu bigiteza imbere

U Bubiligi bwahaye u Rwanda inkunga ya Miliyari 18 Frw yo guteza imbere abagore

Abanyeshuri b'abanyamahanga biga muri UNILAK baravuga ko Jenoside yakorewe

Dr Biruta yagiranye ibiganiro n’abayobozi mu Bwongereza barimo uw’Ub

Abatuye muri Nyabihu baravuga ko batishimiye umuvuduko bariho mu kugabanya igwin

U Rwanda rurateganya gukoresha miliyari 4,650 muri 2022/2023