AGEZWEHO

  • Gicumbi: Imiryango yasenyewe n’ibiza mu 2023 yatujwe mu Mudugudu wa Kaniga – Soma inkuru...
  • Kamonyi: Hibutswe abana n’abagore bishwe muri Jenoside yakorewe Abatutsi – Soma inkuru...

Umuryango mpuzamahanga wongeye gusabwa kurwanya imvugo zimakaza urwango

Yanditswe Jan, 27 2023 17:27 PM | 6,107 Views



Ministri w'Ubumwe bw'Abanyarwanda n'uburere mbonera gihugu, Dr Jean Damascene Bizimana aravuga ko umuryango mpuzamahanga ukwiye kwigira ku mateka ya Jenoside yakorewe Abatutsi, ugashyira imbaraga mu gukumira Jenoside kurusha guhana aho byamaze gukorwa kuko abishwe baba batakirengewe.

Ibi byagaragarijwe i Kigali kuri uyu wa Gatanu mu muhango wo kwibuka Jenoside yakorewe Abayahudi.

Inzego n’imiryango iharanira kurwanya jenoside, nabo bakaba basaba Umuryango mpuzamahanga guhuriza hamwe imbaraga mu kurwanya imvugo zimakaza urwango ndetse n'ivangura iryo ariryo ryose, kuko bikomeje kwirengagizwa ubwicanyi na jenoside byazongera kubaho.

Hashize imyaka isaga 80  jenoside yakorewe Abayahudi ibaye, nubwo nyuma y'iyi jenoside hashyizweho amategeko mpuzamahanga yo gukumira no guhana ibyaha bya jenoside,ntibyabujije ko mu 1994 hogera kuba indi Jenoside yakorewe Abatutsi mu Rwanda.

Uhagarariye Umuryango w'Abibumbye mu Rwanda, Ozonnia Ojielo asanga izo jenoside zarashoboraga gukumirwa iyo umuryango mpuzamahanga ubyitaho.

Yagize ati “Ntidukwiye na gato kwibagirwa amahano ya Jenoside yakorewe Abayahudi ndetse na Jenoside yakorewe Abatutsi. Dukwiye kwigira kuri aya mateka tukubaka ejo hazaza heza. Yego Jenoside yakorewe Abayahudi yashoboraga gukumirwa ndetse na Jenoside yakorewe Abatutsi ariko umuryango mpuzamahanga watereranye ikiremwa muntu. Icyo twakora ni ugusubiza agaciro abishwe, tukigira kuri uku gutsindwa ndetse tukiyemeza rwose kurwanya ingengabitekerezo ya Jenoside kandi tugashyira mu bikorwa ibyo tuvuga.”

Nyuma y'imyaka isaga 80 habaye Jenocide yakorewe Abayahudi haracyumvikana abayihakana ndetse n'abayipfobya. 

Ambassaderi wa Israel mu Rwanda, Ron Adam agaragaza ko kwibuka ari umwanya wo gusangira amateka no gukira ibikomere, ariko ashimangira ko hadakwiye kwirengagizwa imvugo zibiba urwango ndetse n'ivangura aho riva rikagera.

Kuwa 27 Mutarama 2005 nibwo umuryango wAbibumbye wemeje iyi taliki nk'umunsi mpuzamahanga wo kwibuka miliyoni zisaga 6 zishwe muri Jenoside yakorewe Abayahudi hagati y' 1939-1945 mu gihe cy'itambara y'isi ya kabiri.

SAM KALISA



Ba uwambere gutanga igitekerezo

Tanga igitekerezo:



RSS FEED

Guverinoma y’u Rwanda yasobanuye impamvu umukozi wa Human Rights Watch yan

Gicumbi: Imiryango yasenyewe n’ibiza mu 2023 yatujwe mu Mudugudu wa Kaniga

Minisitiri w'Intebe wa Guinée Conakry yasuye umushinga wa Gabiro Agr

Amajyaruguru: Imiryango 11 y’abarokotse Jenoside yaremewe n’abanyamu

Burera: Abaturage 6 bakomerekejwe n’imbogo zasohotse muri Pariki y’I

Minisitiri w’Intebe Dr Ngirente yagiranye ibiganiro na mugenzi we wa Guin&

Abatuye Afurika bagomba kubakira iterambere ryawo ku bisubizo by'ibibazo bi

Imitwe ya Politiki ya FPR-Inkotanyi na PL yatanze abakandida yifuza ko bazaba Ab