Amashuri yongeye gufungura imiryango muri Cabo Delgado

Mu ruhererekane rw’inkuru ku ishusho ya Cabo Delagado nyuma y’umwaka inzego z’umutekano z’u Rwanda zerekejeho guhangana n’ibyihebe, uyu munsi twerekeje rwego tw’uburezi aho abana batangiye kugaruka ku mashuri gukurikirana amasomo nk’ibisanzwe.

Nyuma y’uko Inzego z’umutekano z’u Rwanda zirwanyije ibyihebe bigatsindwa, ubu byinshi mu bikorwa byongeye gufungura imiryango aha muri Cabo Delgado.

Abanyeshuri bagarutse ku mashuri, ishuri ribanza rya Mute ryigaho abarenga 600 kuri ubu bose bari barahunze imiryango yarafunze, guhera mu kwezi kwa 7 nibwo batangiye kugaruka gacye gacye.

’’Twari Palma naho baraza, duhungira ku kirwa kimwe kitwa Makonko tuvaye aho tujya Ngarawa, hashize iminsi tugaruka hano bucyeye n’aho barongera baratera nibwo twahise duhungira Makuwa.’’

''Ibi byihebe barazaga babasanga nka hano bakabarasa, bagufata bakakwisha, byatumye rero duhunga tugenda tumenya amakuru ko hari n’abandi bantu bagiye bafatwa bakicwa.’’

Nyuma y’urugamba rwirukanye ibi byihebe muri iyi Ntara ya Cabo Delgado, abana barishimye kugaruka ku mashuri, bavuga ko inzego z’umutekano z’u Rwanda uretse kuba zarabagaruriye icyizere cyo kongera kubaho ngo n’inshuti zabo iyo akanya kabonetse ngo baranakina.

’’Iyaba byashobokaga ngo tubahe impano ikomeye, ariko nta kintu dufite.’’

Paul Rutikanga