Yanditswe Apr, 20 2024 20:01 PM | 99,936 Views
Ikipe ya APR FC yegukanye Shampiyona ya 2023/2024 nyuma yo gutsinda Kiyovu Sports igitego 1-0 mu mukino wabereye kuri Kigali Pelé Stadium kuri uyu wa Gatandatu, tariki ya 20 Mata 2024.
Igitego cyahesheje APR FC amanota yari ikeneye ngo yegukane igikombe cyatsinzwe na Mugisha Gilbert.
APR FC yatwaye igikombe cya shampiyona ku nshuro ya gatanu yikurikiranya kuva mu 2020 (2019-20, 2020-21, 2021-22, 2022-23 na 2023-24). Kuri iyi nshuro yabigezeho mu gihe habura imikino itatu ngo umwaka w'imikino urangire.
Mu mikino 27 imaze gukina, Ikipe y'Ingabo ifite amanota 63 ndetse ntiratsindwa na rimwe mu gihe irusha 12 Rayon Sports ya kabiri.
Rayon Sports yo yakinaga na Bugesera FC irwana no kutamanuka ndetse yayisunikiye mu manga nyuma yo kuyitsinda ibitego 2-1 mu mukino wabereye i Nyamata.
APR FC iheruka gusubira kuri politiki yo gukinisha abanyamahanga mu mwaka ushize, yegukanye igikombe cya 22 cya Shampiyona kuva ishinzwe mu 1993 nubwo yatangiye gukina shampiyona nyuma y’imyaka ibiri ivutse, mu 1995.
Ben Kayiranga yagaragaje uko Visit Rwanda yugururiye amarembo Abanyarwanda i Paris
Apr 22, 2024
Soma inkuru
Bagiye kubona ibintu byiza- Danny Nanone yijeje indirimbo nshya
Apr 19, 2024
Soma inkuru
Abasaga 200 bategerejwe i Kigali mu Iserukiramuco ‘Kigali Triennial’
Feb 12, 2024
Soma inkuru
Art Rwanda yatumye hahangwa imirimo 400 mu myaka 2
May 15, 2023
Soma inkuru