AGEZWEHO

  • Abazunguzayi bahawe isoko ryo gucururizamo batikandagira (Amafoto) – Soma inkuru...
  • PDI yemeza ko ‘yacutse’ yatanze urutonde rw’abakandida-depite – Soma inkuru...

Muhanga: Polisi yarashe ukekwaho kwiba insiga z'amashanyarazi

Yanditswe Sep, 30 2023 09:54 AM | 100,003 Views



Mu ijoro ryakeye, mu masaha ya saa munani z'igicuku zishyira saa cyenda, mu Murenge wa Mushishiro i Muhanga, Polisi yaharasiye ukekwaho ubujura bw'insinga z'amashanyarazi, arapfa.

Polisi itangaza ko uwo mugabo yarashwe ubwo yageragezaga kurwanya abapolisi akoresheje umuhoro.

Abaturage muri aka gace bavuga ko ikibazo cy'ubujura bw'insinga z'amashanyarazi giteye inkeke kandi kirimo kubangamira gahunda ngari y'igihugu yo kugeza amashanyarazi ku baturage bose.

Iki gikorwa kije nyuma y’aho kuri uyu wa Kane, Polisi y’u Rwanda yagiranye inama n’Ikigo cy’Igihugu gishinzwe ingufu n’Ikigo gishinzwe gukwirakwiza Amazi, Isuku n’Isukura hagamijwe gufata ingamba zo kurwanya ikibazo gikomeje kwiyongera cy’ubujura bw’ibikorwaremezo bikoreshwa mu gukwirakwiza umuriro n’amazi.

Ni inama yabereye ku cyicaro gikuru cya Polisi ku Kacyiru, yari iyobowe n’Umuyobozi Mukuru wa Polisi y’u Rwanda, CG Felix Namuhoranye wari kumwe n’Umuyobozi Mukuru wa REG, Armand Zingiro, n’Umuyobozi Mukuru wa WASAC, Omar Munyaneza, abacuruza ibyuma bishaje ndetse n’abayobozi b’inganda zibitunganya.

Imibare igaragaza ko kuva muri Mutarama kugeza muri Nzeri uyu mwaka, abagera kuri 829 bafatiwe mu bikorwa byo kwangiza imiyoboro ikwirakwiza umuriro n’amazi.

REG ivuga ko ubu bujura bw’ibikorwaremezo by’amazi n’amashanyarazi bwagize ingaruka zikomeye ku miyoboro y’amashanyarazi, amapoto, insinga zica mu butaka ndetse no kwangirika kw’ibindi bikoresho bitanga umuriro.

Polisi y’u Rwanda kandi imaze kugarura byibuze insinga z’amashanyarazi zari zibwe zireshya na metero 12,360 aho bamwe mu bangiza ibyo bikorwaremezo bafashwe, barimo abantu 50 batawe muri yombi mu kwezi gushize.

Imibare igaragaza ko Intara y’Amajyepfo ari yo ifite umubare munini w’abafatiwe muri ibyo bikorwa bangana na 39%, igakurikirwa n’Intara y’Amajyaruguru ifite 26%, Intara y’Iburengerazuba n’iy’Iburasirazuba zikagira 13%, mu gihe Umujyi wa Kigali wagaragayemo 9%.



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz