Jurrien Timber myugariro wa Arsenal ari mu Rwanda muri Gahunda ya Visit Rwanda

Ku bufatanye bw'u Rwanda n'ikipe ya Arsenal binyuze muri gahunda ya Visit Rwanda; kuri uyu wa Kane myugariro w'ikipe ya Arsenal Jurrien Timber yageze mu Rwanda mu ruzinduko ruzamara iminsi ine muri gahunda ya Visit Rwanda.

Ku munsi wa Mbere w'uruzinduko rwe Jurrien Timber yasuye urwibutso rwa Jenoside rwa Kigali ndetse ku gicamunsi ahura n'abana batarengeje imyaka 20 bakina umupira w'amaguru ndetse n'abafana ba Arsenal.

Jurrien Timber yavuze ko yishimiye gusura u Rwanda ndetse anagaragaza ko yakozweho cyane n'amateka igihugu cyanyuzemo.

Umuyobozi mukuru ushinzwe ubukerarugendo muri RDB, Michaella Rugwizangoga yavuze ko uruzinduko rw'uyu myugariro w'ikipe ya Arsenal ari ibikubiye mu masezerano u Rwanda rufitanye n'iyi kipe yo mu bwongereza.

Akigera mu Rwanda uyu mukinnyi yavuze ko yanejejwe no kugera mu Rwanda kandi yishimye. Ati ni ibintu byahamywa na buri wese wahaza."

Yavuze ko kandi yiteguye kuhagirira ibihe byiza we n'umukunzi we bazanye.

Kwizera Adamz