Mu Rwanda hatangijwe mushinga ugamije guha ijambo abagore binyuze kuri murandasi

Mu Rwanda hatangijwe umushinga wa "50 million African Women Speak Project". Ni umushinga ugamije guha ijambo abagore binyuze kuri murandasi ukorera mu bihugu 38. 

Umunyamabanga Mukuru Wungirije w'Umuryango wa Afurika y'Iburasirazuba Bwana Christophe Bazivamo asobanura ko uru rubuga ruje gufasha abagore gukora ubucuruzi bwambukiranya imipaka bikanabafasha gusangira amakuru n'ubunararibonye. 

Yashimangiye ko ibi bigiye korohereza abagore ba Afurika mu bucuruzi bityo iterambere ryabo rikarushaho kwihuta. 

Usibye ubucuruzi uru rubuga ruzafasha muri gahunda yo guhuza imipaka haranatekerezwa uko hahuzwa n'ifaranga. 

Icyo abagore basabwa ni ukongera ubumenyi mu ikoranabuhanga kugira ngo babashe kubyaza amahirwe uru rubuga. Ni urubuga rwari rumaze imyaka ibiri rutegurwa, igitekerezo cyo kurushyiraho kikaba cyarakomotse Ku byifuzo bya bamwe mu bagore bo hirya no hino muri Afurika, bahirimbanira ko umugore wa Afurika nawe atezwa imbere.