PM Dr. Ngirente yakiriye indahiro z’abashinjacyaha 3 bo ku rwego rw'ibanze

PM Dr. Ngirente yakiriye indahiro z’abashinjacyaha 3 bo ku rwego rw'ibanze

Yanditswe December, 22 2017 at 22:00 PM | 4514 Views



Minisitiri w’intebe w’u Rwanda, Dr. Edouard Ngirente kuri uyu wa Gatanu yakiriye indahiro z’abashinjacyaha batatu bo ku rwego rw’ibanze abasaba kuzaha uburemere kwihutisha amadosiye arebana n’ibyaha bibangamiye umutekano w’igihugu birimo ruswa, kunyereza umutungo, ibiyobyabwenge n’icuruzwa ry’abantu.

Igena Marie Louise, Uwimana Angelique na Twagirayezu Ildefonse nibo barahiriye imbere ya Minisitiri w’Intebe kuzuzuza inshingano nshya bahawe ni nyuma yo kwemezwa n’inama y’Abaminisitiri yateranye tariki 5 z’ukwezi kwa 12 mu 2017.

Minisitiri w’Intebe Dr. Edouard Ngirente yabasabye kuzabyaza umusaruro icyizere bagiriwe n’igihugu anabibutsa indangagaciro zikwiye kubaranga mu kazi binjiyemo. Aba bashinjyacyaha bavuga ko inshingano nshya binjiyemo bumva neza uruhare rwazo mu guteza imbere igihugu, ibi ngo bizahora bibatera imbaraga mu kuzuzuza neza.

Minisitiri w’Intebe kandi yibukije aba bashinjacyaha ku rwego rw’ibanze bimwe mu byaha bikomeje kugaragara mu gihugu abasaba uruhare rwabo mu kubihashya. Minisitiri w’Intebe yanongeye kwizeza ubufatanye urwego rw’Ubushinjacyaha mu kurwongerera imbaraga kugira ngo rukomeze kugira uruhare rugaragara mu gushimangira iyubahirizwa ry’amategeko mu Rwanda.



Ba wambere gutanga igitekerezo

Tanga igitekerezo:



RSS FEED

PM Dr. Ngirente yagejeje ku nteko gahunda ya leta yo gukora no kwita ku mihanda

PM Dr. Ngirente yitabiriye inama ku ngamba zo guca inzara n’imirire mibi k

PM Dr. Ngirente avuga ko kuboneza urubyaro ari inshingano zigamije iterambere

PM Dr. Ngirente yitabiriye ihuriro nyafurika ku ishoramali muri Afurika y'E

PM Dr.Ngirente yarahije abashinjacyaha baherutse kwemezwa n'inama y'ab

PM Dr. Ngirente aravuga ko leta yiyemeje kugeza amazi meza ku baturage

RTV SCHEDULE