Perezida Kagame yashyize mu myanya abayobozi bashya

Kuri uyu wa Gatatu, Perezida Paul Kagame yashyize mu myanya abayobozi bashya, aho Assumpta Ingabire yagizwe Umunyamabanga wa Leta muri Ministeri y’Ubutegetsi bw’Igihugu ushinzwe Imibereho myiza y’Abaturage.

Yasimbuye kuri uyu mwanya Ignatienne Nyirarukundo, we wagizwe Umujyanama Mukuru ushinzwe gahunda z’Imibereho myiza y’Abaturage mu Biro bya Minisitiri w’Intebe.

Nyirarukundo yari kuri uyu mwanya kuva mu 2019, aho yagiye avuye  mu Nteko Ishinga Amategeko Umutwe w’Abadepite.

Assumpta Ingabire we yari Umunyamabanga Uhoraho muri Minisiteri y’Uburinganire n’Iterambere ry’Umuryango.