Perezida Mnangagwa yasabye abashoramari b'u Rwanda na Zimbabwe kubyaza umusaruro amahirwe ahari

Perezida wa Zimbabwe, Emmerson Mnangagwa yasabye abashoramari n'qbacuruzi bo mu bihugu byombi cyane cyane bibanda ku kongerera agaciro ibikomoka muri Afurika aho kugira ngo bakomeze kubyohereza hanze, ubundi bikagaruka bibahenze.

Ibi yabigarutseho ubwo yatangizaga ku mugaragaro inama y’iminsi itatu ku buhahirane n’ishoramari hagati y' u Rwanda na Zimbabwe iri kubera i Harare mu murwa mukuru w'iki gihugu.

Muri iyi nama kandi ibihugu byombi byashyize umukono ku masezerano ajyanye n’ubucuruzi n’ishoramari, amasezano y'imikoranire n’ubufatanye hagati y'abikorera bo mu bihugu byombi ndetse ibigo by'ingufu ku mpande zombi nabyo byasinye amasezerano ajyanye n’ishyirwa mu bikorwa ry’imishinga yemeranyijweho n'ibihugu byombi.

Inama ije ikurikira iyari yabereye mu Rwanda mu mwaka ushize wa 2021.