Perezida wa Sena yeguye ku mirimo ye

Uwari perezida w'umutwe wa sena mu nteko ishinga amategeko ariwe Dr. NTAWUKURIRYAYO Jean Damascene yeguye kuri uwo mwanya . Kwegura kwe kwemejwe n'inteko rusange idasanzwe ya Sena yateranye kuri uyu wa gatatu nyuma ya saa sita. abagize sena bagaragaje ko bamutakarije ikizere kubera imikorere mibi yagaragaje nka Perezida wa Sena. Dr. NTAWUKURIRYAYO akaba yagumye muri sena nk'umusenateri usanzwe. Inteko ishinga amategeko umutwe wa sena yari mu kiruhuko, ariko kuri uyu wa gatatu nyuma ya saa sita yateranye mu nteko rusange idasanzwe. ku murongo w'ibyigwa hari ingingo imwe rukumbi ijyanye nicyo abasenateri bemeje ko ari imikorere mibi ya Perezida wa Sena. ku ikubitiro ry'imirimo y'iyi nteko Dr. Ntawukuriryayo Jean Damascene ari nawe wagombaga gufungura imirimo yayo yahise atangaza ko yeguye ku mirimo ye. Impamvu z'iryo yegura nizo zakurikiyeho zigaragazwa n'abasenateri mu nteko yakomeje imirimo iyobowe na Visi perezida wa sena ushinzwe politike n'amategeko bwana Bernard Makuza. {“Mu birebana n’imikoranire n’umutwe w’abadepite kuko hari ibikorwa twagiye duhuriraho, ariko ibibazo twagiye tugira uburyo bwo kubikemura ugasanga na none tutabanje kubijyaho inama nk’ imitwe yombi ugasanga bitejemo ubwumvikane buke. Hari benshi muri sena bagaragaje ko imikoranire yabo na nyakubahwa perezida wa Sena itari ihwitse hakazamo n’ikintu cyo gushaka kwemeza ibyemezo bye wenyine gusa adashatse kugendera ku by’abandi kugirango bishobore kugera ku musaruro wa Sena ari nawo w’igihugu. Hari ibitagenda kandi bikajyibwamo inama ariko ukabona ko bidakosoka” } Izo mpamvu zinakubiye mu nyadiko yasinywe n'abasenateri 15 bagaragaza ko hari ibyo banenga mu mikorere ya perezida wa Sena. Aho bavuze ko uwari perezida wa Sena atakoranaga neza n’izindi nzego za Sena bikagira ingaruka ku zindi nzego zose zayo, ngo yanakoresheje nabi umutungo wa Leta, kandi ashaka kwigwizaho ibintu birengeje kamere. Muri iyo baruwa kandi abasenateri banavuze ko Dr Ntawukuriryayo yakoreshaga igitugu mu nama y’abaperezida ba komisiyo za Sena kandi akanivanga mu mirimo ishinzwe bagenzi be aribo ba visi perezida ba Sena Abasenateri 24 muri 25 bari muri iyi nteko batoye kwegura kwa Dr. ntawukiriryayo ku mwanya wa perezida wa Sena. Ariko azakomeza imirimo muri sena nk'umusenateri usanzwe. Uwari Perezida wa Sena, Dr Ntawukuriryayo Jean Damascene yeguye kuri uwo mwanya habura gato ngo huzure imyaka itatu agiye kuri uwo mwanya kuko yawugezeho ku italiki ya 10/10/2011. {{Ese nyuma yo kwegura kwe haba hagiye gukurikiraho iki? Visi perezida wa sena ushinzwe Politike n'amategeko bwana Bernard Makuza: {“Bivuga ko iyo inteko rusange imaze kwemeza ko abagize biro ayivuyemo mu buryo bwa burundu bimenyeshwa inzego bireba uhereye kuri nyakubahwa perezida wa repubulika hanyuma mu gihe kitarenze iminsi 30, nyakubahwa perezida wa repubulika agatumiza inama y’inteko rusange ari nawe uyiyobora, yo gutora usimbura uwavuye mu mwanya burundu byemejwe n inteko rusange.” } Mu gihe hategerejwe itorwa rya perezida wa Sena mushya, Visi Perezida wa mbere wa Sena ushinzwe politike n'amategeko ariwe Bernard Makuza niwe ugiye kuba ayiyobora. ku basenateri batandukanye kwegura kwa perezida wa sena kugaragaza inzira ya demokarasi igihugu kirimo aho umuyobozi utujuje neza inshingano aba agomba kubibazwa.