Bimwe mu bihugu byasabye U Bufaransa ko bugaragaza uruhare rwarwo muri Jenoside

AGEZWEHO


Bimwe mu bihugu byasabye U Bufaransa ko bugaragaza uruhare rwarwo muri Jenoside

Yanditswe January, 15 2018 at 22:52 PM | 4861 Views



Akanama k'umuryango w'abibumbye gashinzwe iyubahirizwa ry'uburenganzira bwa muntu kasuzumye ku nshuro ya 3 uburyo igihugu cy'u Bufaransa cyubahiriza uburenganzira bwa muntu. Ni gahunda izwi nka Universal Periodic Review.

Bimwe mu bihugu biri muri iyi gahunda ari byo Guyane, Kenya, Iran, Israel, Mozambique, Namibia n'u Rwanda byari byatanze imyanzuro y'uko guverinoma y'u Bufaransa yagaragaza ukuri n'ubutabera kuri Jenoside yakorewe Abatutsi mu Rwanda.

Umuryango Ibuka n'ihuriro ry'imiryango iharanira ko abakoze Jenoside bagezwa imbere y'ubutabera, CPCR, bari basabye aka kanama ka Loni ko kakwita no ku bibazo birebana n'uruhare rw'u Bufaransa muri Jenoside yakorewe Abatutsi.

By'umwihariko u Rwanda rwari rwatanze imyanzuro-nama ku Bufaransa irimo gutera intambwe igaragara yo kuburanisha cyangwa bukoherereza abakekwaho ibyaha bya Jenoside bari ku butaka bw'icyo gihugu;

Guhita bukorana n'urukiko mpuzamahanga mpanabyaha rwa Arusha kugira ngo ruburanishe padiri Wenceslas Munyeshyaka na Laurent Bucyibaruta cyangwa bagashyikirizwa urwego rwasigariye uru rukiko,

Kwemera ko inyandiko zose zirimo amakuru arebana na guverinoma n'igisirikari cy'u Bufaransa mbere ya Jenoside, mu gihe yabaga na nyuma yaho.

U Rwanda kandi rwari rwasabye ko u Bufaransa bwatera intambwe mu gukora iperereza ku ruhare rw'u Bufaransa muri Jenoside yakorewe Abatutsi.



Ba wambere gutanga igitekerezo

Tanga igitekerezo:



RSS FEED

Umunyasenegal warokoye Abatutsi benshi muri Jenoside yubakiwe urwibutso i Dakar

Umuyobozi mukuru wa WHO Dr. Tedros yasuye urwibutso rwa Jenoside rwa Nyamata

Urubanza ku iyoherezwa mu Rwanda rya twagirayezu ukekwaho uruhare muri Jenoside

Murangwa Eugene yahawe igihembo n'umwamikazi w'Ubwongereza Elizabeth

Abacamanza bahagaritse iperereza ku ihanurwa ry'indege ya Habyarimana

Perezida Kersti Kaljulaid wa Estonia yasuye urwibutso rwa Jenoside rwa Kigali

RTV SCHEDULE