AGEZWEHO

  • Miliyari 2,8 Frw zashowe mu kwagura uruganda rw’imyenda i Burera – Soma inkuru...
  • Abazunguzayi bahawe isoko ryo gucururizamo batikandagira (Amafoto) – Soma inkuru...

Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside

Yanditswe Apr, 17 2024 18:27 PM | 127,084 Views



Ambassade y’u Bufaransa mu Rwanda yavuze ko izakomeza kuba hafi imiryango y’abayikoreraga bishwe muri Jenoside yakorewe Abatutsi, ibi bikaba byagarutsweho mu gikorwa iyi Ambasade yateguye cyo kwibuka ku nshuro ya 30 Jenoside yakorewe aAbatutsi.

Abakozi ba Ambasade y'u Bufaransa ndetse n’abo mu miryango y’abayikoreraga bishwe muri Jenoside yakorewe Abatutsi, nibo bitabiriye iki gikorwa, abafite ababo bibukwa bavuga ko hari byinshi kandi byiza babibukiraho, bagashima iki gikorwa cyo kubibuka.

Ambasaderi w'u Bufaransa mu Rwanda, Antoine Anfré yakomeje imiryango y’abishwe muri jenoside, avuga ko bazakomeza kubaba hafi.

Yagize ati "Ni igikorwa twateguye nka Ambasade mu rwego rwo kunamira abakozi bacu 17 basizwe n'Abafaransa, abakoranaga nabo mu 1994 muri operation yiswe"Amaryllis" bityo nyuma yaho abo bakozi bicwa muri jenoside, ni ikikorwa kigayitse mu mateka y'iyi Ambasade n'ay'u Bufaransa muri rusange, ariko tugomba kwemera uruhare rwacu, kuba barishwe byagize ingaruka zikomeye ku miryango yabo, nk'abakoresha tugomba kwemera ko ntacyo twakoze ngo turengere ubuzima bwabo."

"Ni abantu tugomba guhora twibuka, raporo Duclert ndetse n'igihe Perezida w'u Bufaransa, Emmanuel Macron yasuraga urwibutso rwa Jenoside, hose hasobanuwe uruhare u Bufaransa bwagize mu byabaye mu Rwanda hagati y'1990/1994 bikaza no kugeza kuri Jenoside yakorewe Abatutsi. Ni inshingano zacu guhora twibuka aba bakozi bacu bishwe, tutashoboye kurokora ubuzima bwabo. Ikindi ni uguharanira ko ibyabaye bitazongera kubaho ukundi, bimwe mu bizadufasha kubigeraho rero ni uguhora twibuka abishwe, kandi tukigisha abakiri bato uko byagenze bakamenya ubukana bwa Jenoside."

Ambasade y’u Bufaransa ivuga ko kugeza ubu umubano w’u Bufaransa n’u Rwanda wifashe neza, aho mu minsi ishize ibihugu byombi byanasinyanye amasezerano arebana n’inkunga ya miliyoni 500 z’amaeuro azakoreshwa mu bikorwa bijyanye n’iterambere mu gihe cy'imyaka 5 iri imbere. 

U Bufaransa bunavuga ko bukomeye kuri gahunda yo kuburanisha abagize uruhare muri Jenoside bari ku butaka bwabwo.

Carine Umutoni



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz