AGEZWEHO

  • Abazunguzayi bahawe isoko ryo gucururizamo batikandagira (Amafoto) – Soma inkuru...
  • PDI yemeza ko ‘yacutse’ yatanze urutonde rw’abakandida-depite – Soma inkuru...

Mako Sharks yegukanye Irushanwa ryo #Kwibuka30 mu Koga

Yanditswe Apr, 15 2024 08:12 AM | 140,755 Views



Ikipe ya Mako Sharks Swimming Club ikina Umukino wo Koga yegukanye Irushanwa ryo Kwibuka ku nshuro ya 30 Jenoside yakorewe Abatutsi mu 1994, ryakiniwe mu Karere ka Bugesera kuri Pisine ya La Palisse Hotel i Nyamata.

Iri rushanwa ryakinwe ku Cyumweru, tariki ya 14 Mata 2024, ryabanjirijwe n’igikorwa cyo gusura Urwibutso rwa Jenoside yakorewe Abatutsi rwa Nyanza ya Kicukiro.

Abakinnyi, abayobozi b’amakipe, ababyeyi n’abayobozi b’Ishyirahamwe ry’Umukino wo Koga mu Rwanda, basuye uru rwibutso ruruhukiyemo imibiri y’inzirakarengane za Jenoside isaga ibihumbi 105 mu rwego rwo gusobanukirwa amateka ya Jenoside yakorewe Abatutsi.

Urwibutso rwa Nyanza ya Kicukiro rushyinguyemo abarimo 2000 biciwe kuri uyu musozi tariki ya 11 Mata 1994 nyuma yo gutereranwa n’Ingabo z’Umuryango w’Abibumbye bari bahungiyeho bazizeyeho kubarinda ubwo zari muri ETO Kicukiro.

Nyuma y’iki gikorwa hakurikiyeho irushanwa ryabereye kuri La Palisse Hotel. Ryegukanywe n’Ikipe ya Mako Sharks Swimming Club, ikurikirwa na Cercle Sportif de Karongi mu gihe umwanya wa gatatu wegukanywe n’Ikipe ya Les Daulphins SC.

Mako Sharks yegukanye iri rushanwa nyuma yo gukusanya imidali 21, irimo 10 ya Zahabu, 8 ya Silver n’itatu ya Bronze.

Cercle Sportif de Karongi yegukanye umwanya wa kabiri n’imidali 10, irimo 3 ya Zahabu, 3 ya Silver n’ine ya Bronze.

Les Daulphins yasoje ku mwanya wa gatatu yegukanye imidali 2, irimo umwe wa Silver n’undi umwe wa Bronze.

Irushanwa ryo #Kwibuka30 mu mukino wo koga ryitabiriwe n’amakipe 11 agizwe n’abakinnyi basaga 100 n’abahoze bakina Umukino wo Koga. Ryakinwe n’abari mu cyiciro cy’abari munsi y’imyaka 12, 13-14, 15-17 n’abafite imyaka 18 kuzamura. Uretse abakina nk’ababigize umwuga, abakanyujijeho na bo bitabiriye iri rushanwa.



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz