AGEZWEHO

  • Miliyari 2,8 Frw zashowe mu kwagura uruganda rw’imyenda i Burera – Soma inkuru...
  • Abazunguzayi bahawe isoko ryo gucururizamo batikandagira (Amafoto) – Soma inkuru...

Abarinzi b'Igihango basabye urubyiruko gukunda Igihugu no kwirinda amacakubiri

Yanditswe Apr, 16 2024 17:46 PM | 79,149 Views



Abarinzi b’igihango barashimirwa uruhare rwabo mu kubanisha Abanyarwandan nta kwishishanya, abo mu Turere twa Burera na Musanze basanga urubyiruko rukwiye kurushaho kwigishwa gukunda igihugu no kwirinda amacakubiri yasenya Ubumwe bw’Abanyarwanda.

Karamaga Thadee uvuka mu Murenge wa Kinoni mu Karere ka Burera, ni umwe mu bagizwe abarinzi w’igihango ku rwego rw’Igihugu ahanini abikesha kurokora Abatutsi barenga 40. 

Ni mu gihe yamaze imyaka 20 mu ngabo zari iza FAR ariko yiyemeza kurokora Abatutsi bicwaga n’abasirikare bagenzi be.

Mu gihe cya Jenoside yakorewe Abatutsi, Karamaga yagize n’uruhare rukomeye rwo guhisha umurambo wa Uwiringiyimana Agatha wari Minisitiri w’Intebe, kugira ngo uzashyingurwe mu cyubahiro.

Uretse Karamaga Thadee, hari kandi Rwaburindi Enos nawe wagizwe umurinzi w’igihango ku rwego rw’Akarere ka Musanze. 

Mu 1991 mu igerageza rya Jenoside mu cyahoze ari Komine Kinigi, we yari umuyobozi w’itorero ry’Abadivantiste rya Bisate, avuga ko ashingiye ku kwemera kwe aribwo yatangiye ibikorwa byo guhisha Abatutsi abakiza interahamwe zabicaga zibasanze mu masengesho.

Kuva mu 1991 kugera 1993, Rwaburindi ngo yashoboye guhisha iwe mu rugo abo mu miryango 8 yahigwaga. 

Gusa nubwo yiyemeje kurokora abahigwaga, yatotezwaga n’umuryango we ndetse n’abategetsi bariho icyo gihe bamusaba kubirukana ariko arabyanga arabagumana kugeza ubwo Ingabo z’Inkotanyi zigeze muri Bisate zimufasha kubarokora.

Mwayida Chantal na Ndimwiza Ketia ni bamwe mu barokowe n’abo barinzi b’igihango. 

Uretse kuba bashima ubutwari bwabo, bavuga ko muri iyi myaka 30 ishize Jenoside yakorewe Abatutsi ihagaritswe, basanga abarinzi b’igihango barabaye ipfundo ry’ubumwe bw’Abanyarwanda.

Ku ruhande rw’aba barinzi b’igihango basaba abakiri bato nk’amizero y’ejo hazaza h’Igihugu, gukunda igihugu no kwirinda amacakubiri yasenya ubumwe bw’Abanyarwanda.

Gahunda y’ubumwe n’ubwiyunge yimakajwe na leta y’u Rwanda yabaye imbarutso yo kutishishanya mu baturage, ahubwo bahaguzwa n’ibikorwa by’iterambere ryivugira igihugu kimaze kugeraho.


Robert Byiringiro



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz