AGEZWEHO

  • Miliyari 2,8 Frw zashowe mu kwagura uruganda rw’imyenda i Burera – Soma inkuru...
  • Abazunguzayi bahawe isoko ryo gucururizamo batikandagira (Amafoto) – Soma inkuru...

U Bubiligi: Humviswe umutangabuhamya mu rubanza rwa Nkunduwimye ukekwaho uruhare muri Jenoside

Yanditswe Apr, 15 2024 17:45 PM | 120,846 Views



Urukiko rwa rubanda rw’i Buruseri mu Bubiligi, rwakomeje kuburanisha Umunyarwanda Emmanuel Nkunduwimye ukekwaho kugira uruhare muri Jenoside yakorewe Abatutsi harimo no gufata abagore ku ngufu. 

Kuri uyu munsi w’iburanisha, Urukiko rwumvise ubuhamya bw’Umushakashatsi mu mateka, Helene Dumas watanze ubuhamya aherereye mu Mujyi wa Kigali.

Ku munsi wa 7 w’iburanisha, uregwa yagaragaye mu Rukiko yambaye ikoti ryiganjemo ibara rya kaki, akaba yari kumwe n’abamwunganira bombi, abunganira uruhande rw’abaregera indishyi n'abo bakaba bari mu Rukiko.

Iburanisha ry’uyu wa Mbere, umwanya munini Urukiko rwawuhariye umushakashatsi akaba n’impuguke mu mateka, Helene Dumas wakoze ubushakashatsi kuri Jenoside yakorewe Abatutsi. 

Yatanze ubuhamya yifashishije uburyo bw’iyakure, abanza kuvuga umwirondoro we, unemezwa n’umushinjacyaha bari kumwe i Kigali nk’uko byasabwe na Perezida w’Urukiko.

Helene Dumas yavuze ko ubusanzwe yageze mu Rwanda mu 2004 nk’umushakashatsi mu mateka yamenye uko Jenoside yateguwe, uko yakozwe n’uko abayirokotse babayeho imaze guhagarikwa n’ingabo zari iza FPF Inkotanyi. 

Ubu bushakashatsi ngo yabukoze afata amajwi, anifashisha umwunganira mu gusemura mu Kinyarwanda.

Ubushakatsi bwe abuhera mu gihe cy’ubukoroni aho yagaragaje ko kugeza mu 1959, ubukoloni bwasize Abanyarwanda baratangiye kwibona mu moko, ndetse abiswe Abahutu birukana Abatutsi mu gihugu, bikomeza no gushyigikorwa n’ubutegetsi bwakurikiyeho ari nako bukomeza kwigisha urwango n’ingangabitekerezo ya Jenoside. 

Helene Dumas yavuze ko hagiye habaho igerageza rya jenoside mu Bagogwe no mu Batutsi bari batuye mu Bugesera, kandi ubutegetsi bubishyikiye. 

Yankomoje ku ruhare rw’itangazamakuru nka radio RTLM n’ishyaka CDR mu kubiba urwango mu Banyarwanda, no kwerekana ko ingabo zari iza FPR- Inkotanyi zari zaratangije urugamba rwo kubohora igihugu zari umwanzi w’u Rwanda.

Perezida w’Urukiko yamubajije uko yabonye uruhare rwa bamwe mu bacuruzi mu gushyira mu bikorwa umugambi wa jenoside yakorewe Abatutsi, avuga ko bamwe mu bacuruzi ari bo batangangaga ibihembo ku bicanyi, hamwe na hamwe bakabatiza imodoka zo gutwara Interahamwe zijya kwica mu bice bitandukanye by’Igihugu.

Helene Dumas yanagarutse ku musaruro w’Inkiko Gacaca nyuma ya jenoside yakorewe Abatutsi, avuga ko azibona nk’umuti u Rwanda rwiboneye wo kumenya amateka kuri jenoside yakorewe Abatutsi, impamvu ya jenoside n’uko yakozwe, ukaba n’umuti ku nzira y’ubwiyunge nyuma yo gushyiraho politiki igaragaza ko Abanyarwanda ari bamwe, yongeraho ko Inkiko Gacaca zatumye abakoze ibyaha bahanwa kandi bikorwa vuba, kuko iyo bijya mu nkiko zisanzwe ubutabera bwari gutinda cyane.  

Iburanisha rizakomeza kuri uyu wa Kabiri humvwa abandi bashakashatsi bagera kuri 6.

John BICAMUMPAKA



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz