Abantu 54 baguye mu mpanuka y'ubwato yabereye mu mugezi wa Niger mu gihugu cya Nigeria, bukaba bwari butwaye abarenga 200.

Inzego z'ubuyobozi muri iki gihugu zatangaje ko imibiri 24 yamaze kurohorwa, mu gihe bandi bagikomeje kuburirwa irengero.

BBC iravuga ko ubu bwato bwavaga muri Leta ya Kogi hagati muri Nigeria, abari baburimo bari berekeje kurema isoko riherereye muri Leta ya Niger.

Kugeza ubu ntihatangazwa icyateje iyi mpanuka, gusa amakuru avuga ko abenshi mu bari ubu bwato batari bambaye imyambaro ibarinda kurohama.

Iyi ni inshuro ya gatatu ubwato butwara abagenzi burohamye muri iki gihugu, mu gihe kitarenze iminsi 60.

Mu kwezi gushize gusa, ubwato bwari butwaye abagenzi 300 bwarohamye mu mugezi wa Niger, abarenga 200 bahasiga ubuzima.