Perezida Biden na Madamu Jill Biden bakiriye ku meza Perezida Kagame

Perezida wa Repubulika Paul Kagame yitabiriye ubutumire bwa Perezida wa Leta Zunze Ubumwe z'Amerika Joe Biden n'umugore we Jill Biden bugamije gusangirira ku meza.

Ni mu ruzinduko Perezida Paul Kagame yari amazemo iminsi mu nama ihuza Amerika n'Afrika, aho abakuru b'ibihugu basaga 40 bitabiriye iyi nama yasojwe kuri uyu wa Kane.

Ubwo yari muri iyi nama, Perezida wa Repubulika Paul Kagame yasobanuriye itangazamakuru ko ikibazo cy'umutekeno muke mu Burasirazuba bwa Kongo kitazanywe n'u Rwanda kandi kitari ikibazo cy'u Rwanda, kuko muri iki gihugu hari imitwe yitwaje intwari irenga 100 ariko hakavugwa umutwe umwe wa M23.

Ibi yabikomojeho mu kiganiro n'umwanditsi mukuru w'ikinyamakuru cyo muri Leta Zunze Ubumwe z’Amerika, yabajijwe kandi ku butabera bwatanzwe mu rubanza rwa Rusesabagina Paul, maze Perezida Paul Kagame akurira inzira ku murima abasaba ko Rusesabagina yarekurwa, kuko yakatiwe n’inkiko kandi ko hari abandi benshi bareganywe mu rubanza rumwe basaga 20 bemeye ibyaha bashinjwaga.

Perezida Kagame kandi avuga ko u Rwanda n'umugabane w'Afrika bifite yo kubana n'ibindi bihugu ku yindi migabane, aha ashimangira ko umugababe w'Afrika kuba ukorana n'u Bushinwa na Leta Zunze Ubumwe z'Amarika nta kibazo kibirimo ko ik’ingenzi ari ubwubahane bwa buri ruhande.