AGEZWEHO

  • Tuzemera batunenge ko hari ibyo tutavuze aho kuvuga ibyicisha- Cléophas Barore – Soma inkuru...
  • Minisitiri w'Intebe Dr Ngirente yakiriye Minisitiri w'Ibikorwaremezo muri Koreya y'Epfo – Soma inkuru...

Uko Ingabire Anitha yirengagije urucantege mu rugendo rwe rwo guhanga imideli

Yanditswe Mar, 19 2024 10:52 AM | 82,486 Views



Umunyamideli Ingabire Anitha yavuze ko mu rugendo rwe rwo guhanga imideli yahuriyemo n’inzitizi nyinshi ariko kubera intego yari afite no kumenya icyo ashaka yakomeje guhatana kugeza ageze ku cyo ashaka.

Ingabire ni umwe mu banyamideli bari kuzamuka neza ndetse yishimira ko imyambaro ye inyura abayambara n’amaso y’abayireba.

Nyuma yo kunyura mu buzima bugoranye, Ingabire yatyarije ubwenge muri Tanzania aho yamenyeye ibyo gukora imyambaro mu buryo bugezweho ndetse bituma arushaho kwitinyuka.

Ingabire yatangarije mu Kiganiro RTV Versus cyo ku wa Mbere ko mu rugendo rutoroshye yanyuzemo rwatumye yishakamo imbaraga zo kwishakamo ibisubizo gushaka iterambere rirambye.

Ati “Njyewe nigeze kubaho umuyede, ku Nyundo ku muhanda.”

Yavuze ko yagerageje amahirwe yose yamugeraga imbere ye ndetse yanize ururimi rw’Igishinwa, avuga ko ruri mu byamufashije kuzamuka.

Yavuze ko nyuma yo kuyoboka inzira yo guhanga imideli, yahuje imbaraga na Young C ndetse bakora imyambaro myiza Abanyarwanda bishimira.

Nubwo bitari byoroshye kuva mu ntangiriro, Ingabire Anitha afite ibintu by’ingenzi yishimira yagezeho kubera guhanga imideli; birimo gutinyuka, kubaka inzu y’inzozi ze no kuba icyitegererezo ku bandi bakobwa cyane abatekereza ko imideli itakorwa n’umukobwa by’umwihariko wavukiye akanakurira mu ntara.

Ingabire yagiriye abari n’abategarugori kwitinyuka no gukurikira inzozi zabo kuko zizabageza ku cyo bifuza.

Ati “Nta kintu utakora mu gihe wowe ubishaka, ntuzice intege uti nta w’iwacu wageze kuri ibi n’ibi. Ushobora kuba uwa mbere mu b’iwanyu ugeze kure nk’umugore.”

Ingabire Anitha yavuze ko abagore bafite ubushobozi buhagije, anabashishikariza kwirinda gukoresha ibiyobyabwenge n’ibisindisha kuko byangiza imitekerereze bikaba byabazitira kugera kure.

Safa Claudia Uwingeneye



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe Dr Ngirente yakiriye Minisitiri w'Ibikorwaremezo m

Guverineri Mugabowagahunde yasabye Abayisilamu gukomeza kwitabira ibikorwa byo #

Afurika y'Epfo: Amb. Hategeka yashyikirije Perezida Ramaphosa impapuro zimw

Kwibuka30: Dr Dumas yamuritse igitabo gishingiye ku buhamya bwanditswe n’a

Kenya: Umuryango Mpuzamahanga wasabwe kurwanya imvugo z'urwango zikomeje ku

Perezida Kagame yageze i Londres

Igisirikare cy’u Rwanda n’icy’u Bubiligi byiyemeje kunoza imik

Icyo abasesenguzi bavuga ku ruzinduko rwa Perezida Ramaphosa mu Rwanda