Urubanza rwa Rurangwa Oswald ntirurafatwaho umwanzuro - Ubushinjacyaha

Umuvugizi w'Ubushinjacyaha bw'u Rwanda, Nkusi Faustin yasobanuye ko ubujurire batanze mu Rukiko Rukuru mu rubanza rwa Rurangwa Oswald butarafatwaho umwanzuro, ahubwo bawutegereje ku wa Gatanu w'iki cyumweru. 

Rurangwa Oswald yakatiwe n’Urukiko Gacaca rwa Gisozi igifungo cy’imyaka 30, ndetse igihugu yari yahungiyemo cya Leta Zunze Ubumwe za Amerika kimugarura mu Rwanda kugira ngo arangize icyo gihano, ariko akaba yari afite uburenganzira bwo gusubirishamo urubanza.

Aho gusaba gusubirishamo urubanza yanasabye ko Urukiko rwisumbuye rwa Gasabo ko rwatesha agaciro icyemezo cy’Urukiko Gacaca rwamuhamije ibyaha bya Jenoside, urwo Rukiko rurabyemera.

Ni urubanza rutaratangira kuburanishwa mu mizi ahubwo hagisuzumwa izo nzitizi zinyuranye zagiye zitangwa n’ababuranyi nk'uko Nkusi Faustin yabisobanuye.