Enzo Zidane yahagaritse ruhago ku myaka 29

Enzo Zidane, imfura ya Zinédine Zidane, yahagaritse gukina ruhago ku myaka 29 y'amavuko, avuga ko agiye kwita ku muryango we no gukora ishoramari.

Inkuru zo guhagarika ruhago kwa Enzo Zidane zatangajwe n’Ikinyamakuru AS cyo muri Espagne kuri uyu wa Kabiri, tariki ya 24 Nzeri 2024.

Enzo Zidane, wakinaga mu kibuga hagati, ni umwe mu bana ba Zidane batahiriwe cyane no gukina ku rwego rwo hejuru nubwo yazamukiye mu Ikipe y’Abato ya Real Madrid, Castilla.

Enzo Zidane yakiniye Real Madrid hagati ya 2004 na 2017 ariko agaragara cyane mu ikipe y’abato ya Castilla. Yakinnye umukino wa mbere mu ikipe nkuru ubwo yatozwaga n’umubyeyi we, Zinedine Zidane.

Yakiniye amakipe atandukanye arimo Rodez yo muri Ligue 2 mu Bufaransa, yakiniye imikino 15. Yananyuze mu Lausanne yo mu Busuwisi, yakiniye imikino 16 mu 2017-2018 mbere yo kujya muri Rayo Majadahonda ikina mu Cyiciro cya Kabiri muri Espagne, yakiniye imikino 33 mu mwaka wakurikiyeho.

Mu 2017, Enzo Zidane yasinyiye Alaves, ayikinira imikino ine mbere yo gutandukana na yo. Mbere yo guhagarika ruhago, ikipe ya nyuma yakiniye ni CF Fuenlabrada yo mu Cyiciro cya Gatatu muri Espagne, aherukamo mu mwaka w’imikino wa 2022-2023.

Enzo Zidane, imfura ya Zinédine Zidane, yahagaritse gukina ruhago ku myaka 29 y'amavuko.

Uyu Mufaransa wakiniraga CF Fuenlabrada yo mu Cyiciro cya Gatatu muri Espagne, ubwo aheruka mu kibuga, yafashe iki cyemezo kugira ngo ajye kwita ku muryango n'ishoramari rye. #RBASports pic.twitter.com/5scANxDwSB

— RADIO RWANDA (@Radiorwanda_RBA) September 24, 2024

View this post on Instagram

A post shared by RADIO RWANDA (@radiorwanda)