90% by’abangavu bamaze gukingirwa kanseri y’inkondo y’umura- MINISANTE

Minisiteri y’Ubuzima iratangaza ko kugeza ubu 90% by’abangavu bamaze gukingirwa kanseri y’inkondo y’umura, intego ni uko muri 2027 bazaba bamaze gukingira abangavu bose.

Mu Rwanda kanseri y’inkondo y’umura ni iya kabiri mu zibasira abagore n’abakobwa, aho mu bihumbi 100, abagera ku bihumbi 28 baba bayirwaye.

Ikigo cy'Igihugu gishinzwe Ubuzima (RBC) kivuga ko u Rwanda rumaze imyaka 10 rukingira kanseri y’inkondo y’umura, abangavu bakingiwe bavuga ko byatumye bumva batekanye.

Umuyobozi wa gahunda y’Igihugu y’ikingira muri RBC, Sibomana Hassan avuga ko hari ibiganiro birimo gukorwa n’abo bireba bose kugira ngo abanyeshuri bose bakingirwe.

RBC igitangaza ko abangavu bari munsi y’imyaka 15 bakingiwe kanseri y’inkondo y’umura bangana na 90%, mu gihe abagore n’abakobwa bari hagati y’imyaka 35 na 45 basuzumwe neza kanseri y’inkondo y’umura bo bangana na 70%.