Amajyepfo: Abasora bashimiwe uruhare bagira mu gutanga imisoro

Ikigo cy'Igihugu cy'Imisoro n'Amahoro (RRA) cyashimiye abantu 11 barimo n'ibigo byigenga mu Ntara y'Amajyepfo bitabiriye gutanga Fagitire za EBM, mu rwego rwo kwirinda kunyereza imisoro y'Igihugu.

Ibi byatumye iyi Ntara ikomeza kuzamurwamo ibikorwaremezo bitandukanye bifasha abaturage kwihuta mu iterambere.

Ku nshuro ya 22 RRA yakomeje gushimira ababaye indashyikirwa mu gutanga imisoro mu Ntara y'Amajyepfo.

Ngabonziza Emeteri umuturage wo mu Karere ka Nyamagabe, avuga ko yamaze kumva neza akamaro ko kwaka fagitire ya EBM iyo agiye guhaha kw'isoko kuko nibura muri uyu mwaka yatse fagitire za Miliyoni n'igice kubicuruzwa yaguze.

Komiseri wungirije ushinzwe abasora muri RRA, Uwitonze Jean Paulin avuga ko hari ingamba zashyizweho zo korohereza abasora, agasaba abasora bose kumva ko ari ishingano zabo aho gukwepa imisoro.

Guverineri w’Intara y’Amajyepfo, Kayitesi Alice ahamya ko akamaro k'imisoro muri iyi Ntara kigaragaza.

RRA iivuga ko imisoro yeguriwe Uturere, Intara y’Amajyepho yayinjije ku kigero  96.7%, mu gihe imisoro y’ubutegetsi bwite bwa Leta yinjijwe ku kigero cya 89.2%.

Clement KARAMBIZI