Chriss Eazy yavuze ku mateka afitanye na Zeotrap

Chriss Eazy yahishuye ko afitanye amateka akomeye n’Umuraperi Zeotrap, avuga ko ashimishwa n'iterambere umuziki we umaze kugeraho kuko adacika intege mu rugendo rwe rwa muzika.

Yabitangarije mu Kiganiro Versus cyatambutse kuri Televiziyo Rwanda kuri uyu wa Gatatu, tariki ya 27 Ugushyingo 2024.

Chriss Eazy yahishuye ko ari we wafashe amashusho y'indirimbo "Amazi y'Abasoda" ubwo Zeotrap yari akiri mu Itsinda rya "Byina Trap''.

Abajijwe icyo yishimira ku muziki wa Zeotrap, Chriss Eazy yagize ati “"Ni umuhungu mba nzi ko iterambere rye ndarireba kuko mba nzi aho yavuye n'aho ari kujya. Ndubaha ibyo ari gukora cyane."

Chriss Eazy uheruka gushyira hanze indirimbo “Sambolela”, ari mu bazengurutse Igihugu mu bitaramo bya MTN Iwacu Muzika. Yavuze ko yasanze abakunzi babo banyotewe cyane.

Ati "Abakunzi bacu barahari benshi ahubwo ibintu dushobora kubaha ni bike cyane. Hari aho imvura yabaye nyinshi mu Bugesera ariko abantu baraje benshi.’’

Umuraperi Zeotrap ubwo yari muri studio yari aherekejwe n’itsinda rya bagenzi be.

Zeotrap aheruka gushyira hanze album ye ya kabiri yise ‘Ntabwo anoga’, iriho indirimbo 20. Aheruka gutangaza ko yitegura no kuyimurikira abakunzi be mbere y’uko umwaka urangira.

Album nshya ya Zeotrap iriho indirimbo zirimo “Ntabwo anoga”, “Street Goat”, “Username”, “Kiri gute”, “Kristu Yezu”, “Impane”, “This & That”, “Theraphy”, “Slang”, “Hard Work”, “Cana Light”, “Ibisimba byaje”, “4GB”, ‘Bob [Remix]”, “Umwana wa trench”, “I Swear to God”, “Zaza”, “EP Twumvira Toyi” na “PTD”.

Umuraperi Zeotrap yatangiye umuziki mu 2021. Album ye ya mbere yise “Abafana 100K” yayishyize hanze mu 2023.