Donald Trump yongeye gutorerwa kuyobora Amerika

Donald Trump yatorewe kuyobora Leta Zunze Ubumwe za Amerika muri manda y'imyaka ine iri imbere, ahigitse Kamala Harris bari bahanganye.

Mu majwi amaze kubarurwa, Donald Trump wo mu Ishyaka ry’Aba-Républicains yatowe ku majwi ya “Electoral college” 276 mu gihe Kamala wo mu Ishyaka ry’Aba-Démocrates afite 194.

Mu kubarura amajwi muri Amerika, habarwa ay’abatora bahagarariye abandi (Electoral college). Utorerwa kuyobora iki gihugu ni utanga abandi bakandida kuzuza amajwi 270.

Ku wa Kabiri ni bwo Abanyamerika bazindukiye mu matora y’Umukuru w’Igihugu wa 47 ugomba gusimbura Joe Biden.

Amajwi agitangira kubarurwa, Donald Trump ni we wagendaga imbere ya Kamala Harris.

Mu masaha ya mbere hari aho Donald Trump yari afite amajwi 59.868.187 mu gihe Kamala Harris yari inyuma ye na 55.626.441 mu majwi rusange.

Donald Trump yegukanye intsinzi muri Leta zirimo North Carolina, South Carolina, Idaho, Mississippi, Iowa, Montana, Utah, Louisiana, Ohio, Wyoming, South Dakota, North Dakota, Texas, Florida, West Virginia, Tennessee, Oklahoma, Missouri, Alabama, Kentucky, Indiana na West Virginia.

Ku rundi ruhande, Kamala Harris yatsindiye muri California, Colorado, Delaware, District of Columbia, Maryland na Massachusetts.

Donald Trump yatangaje ko yegukanye intsinzi mbere y’uko amajwi 270 yuzura nyuma yo kubona ko ari imbere mu majwi muri Leta nyinshi.

📷AMAFOTO 📷

Kuri uyu wa Kabiri, Abanyamerika bazindukiye mu matora y’Umukuru w’Igihugu wa 47 ugomba gusimbura Joe Biden.

Abakandida bahabwa amahirwe ni Donald Trump w’Ishyaka ry’Abarepubulikani na Kamala Harris w’Ishyaka ry’Abademukarate. #RBAAmakuru pic.twitter.com/96gX0RW8Hv

— Rwanda Broadcasting Agency (RBA) (@rbarwanda) November 5, 2024

Mu ijambo yavugiye kuri West Palm Beach muri Leta ya Florida yashimangiye ko yegukanye intsinzi mu matora ya Amerika, anashimira icyizere Abanyamerika bamugiriye.

Yagize ati “Buri munsi ndetse no kuri buri mwuka mpumeka nzabarwanirira. Sinzaruhuka na gato kugeza igihe tuzagira Amerika ikomeye, itekanye kandi itera imbere abana bacu bakwiye. Ibyo ni byo mukwiye. Iki ni igihe kidasanzwe kuri Amerika.’’

Yavuze ko yizeye ko azabona amajwi ya “electoral college’’ 315, amajwi namara kubarurwa muri Leta zose.

Yakomeje ati “Twatsinze no mu majwi rusange kandi nacyo ni ikintu gikomeye.’’ “Iyi ni intsinzi ya politiki. Ndashimira Abanyamerika kandi iyi ntsinzi izadufasha kongera kugira Amerika igihangange.’’

Trump yavuze ko yizeye ko azabona amajwi ya “electoral college’’ 315, amajwi namara kubarurwa muri Leta zose.

Ati “Twatsinze no mu majwi rusange kandi nacyo ni ikintu gikomeye. Iyi ni intsinzi ya politiki. Ndashimira Abanyamerika kandi iyi ntsinzi izadufasha kongera kugira Amerika igihangange.’’

Abayobozi banyuranye ku Isi bahise batangira kwifuriza Donald Trump intsinzi nyuma yo gutangaza ko yatorewe kuyobora Leta Zunze Ubumwe za Amerika muri manda y'imyaka 4.

Donald Trump yatorewe kuyobora Leta Zunze Ubumwe za Amerika muri manda ya kabiri, nyuma yo kuyobora iki gihugu mu 2017-2021. Icyo gihe yatowe nyuma yo gutsinda Hillary Clinton mu 2016 ariko atsindwa na Joe Biden mu 2021.