AGEZWEHO

  • Tuzemera batunenge ko hari ibyo tutavuze aho kuvuga ibyicisha- Cléophas Barore – Soma inkuru...
  • Minisitiri w'Intebe Dr Ngirente yakiriye Minisitiri w'Ibikorwaremezo muri Koreya y'Epfo – Soma inkuru...

Dr Adel Zrane watozaga muri APR FC yitabye Imana

Yanditswe Apr, 02 2024 14:43 PM | 114,271 Views



Umunya-Tunisia Dr Adel Zrane wari Umutoza Ushinzwe Kongerera Abakinnyi Imbaraga muri APR FC yitabye Imana azize urupfu rutunguranye, kuri uyu wa Kabiri, tariki ya 2 Mata 2024.

Inkuru y’urupfu rwa Dr Adel Zrane yamenyekanye mu gitondo cy’uyu munsi. Amakuru y’ibanze agaragaza ko yaguye iwe mu rugo.

 Ikipe ya APR FC ibinyujije ku mbuga nkoranyambaga zayo yatangaje ko yababajwe n’inkuru y’akababaro y’urupfu rwa Dr Adel Zrane.

Ubwo butumwa bugira buti “N’akababaro kenshi, Ubuyobozi bwa APR FC buratangaza ko umutoza wayo wari Ushinzwe Kongerera Abakinnyi Imbaraga Dr Adel Zrane yitabye Imana.’’

Yavuze ko impamvu z’urupfu rwa nyakwigendera zitaramenyekana.

Yakomeje iti “Twihanganishe umuryango we ndetse n’abakunzi ba APR FC. Imana imuhe iruhuko ridashira!’’

Dr Adel Zrane yageze mu Rwanda ku wa 23 Nyakanga 2023, yari afitanye amasezerano y’umwaka umwe na APR FC, yagombaga kurangira mu mwaka w’imikino wa 2023-24.

Uyu Munya-Tunisia w’imyaka 40 afite izina rikomeye mu butoza. Yinjiye muri APR FC asimbuye Jamel Eddine Neffati, na we wari wasigaranye inshingano z’umutoza wongerera imbaraga abakinnyi nyuma y’igenda ry’Umunya-Argentine Pablo Morchón.

Dr Adel yari afite Impamyabumenyi y’Ikirenga mu birebana n’ubuzima bw’abakinnyi. Yanyuze mu makipe atandukanye arimo Simba SC yo muri Tanzania, Al-Wehdat Sport Club yo muri Jordanie, AL-AIN Saudi Football Club n’Ikipe y’Igihugu ya Mauritanie.

Umunya-Tunisia Dr Adel Zrane yitabye Imana. Yageze mu Rwanda ku wa 23 Nyakanga 2023, ni bwo yageze i Kigali agiye gutangira akazi muri APR FC

Dr Zrane Adel yari yasinye amasezerano y'umwaka umwe muri APR FC

Mu gihe gito yari amaze muri APR FC, Dr Adel Zrane yagiranye ibihe byiza n'abakinnyi



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe Dr Ngirente yakiriye Minisitiri w'Ibikorwaremezo m

Guverineri Mugabowagahunde yasabye Abayisilamu gukomeza kwitabira ibikorwa byo #

Afurika y'Epfo: Amb. Hategeka yashyikirije Perezida Ramaphosa impapuro zimw

Kwibuka30: Dr Dumas yamuritse igitabo gishingiye ku buhamya bwanditswe n’a

Kenya: Umuryango Mpuzamahanga wasabwe kurwanya imvugo z'urwango zikomeje ku

Perezida Kagame yageze i Londres

Igisirikare cy’u Rwanda n’icy’u Bubiligi byiyemeje kunoza imik

Icyo abasesenguzi bavuga ku ruzinduko rwa Perezida Ramaphosa mu Rwanda