AGEZWEHO


Abakinnyi b'abanyarwanda baracyaza mu myanya y'imbere muri Tour du Rwanda

Yanditswe November, 16 2016 at 16:06 PM | 2258 Views



Abakinnyi bitabiriye tour du Rwanda kuri uyu munsi wa kane w'isiganwa, bakoresheje umuhanda Karongi-Rusizi, mu ntara y'iburengerazuba.

Ni icyiciro cya 3 cyegukanywe na Timothy Rugg ukomoka muri USA ariko akaba akinira muri Canada. Yakurikiwe na Areruya Joseph naho umwambaro w'umuhongo wagumanywe na Valens Ndayisenga.

Uyu muhanda Karongi-Rusizi basiganywemo ni mushya kuko nibwo ucyuzura, ndetse ufite umwihariko wo kubamo amakorosi menshi.

Ni no ku nshuro ya mbere abasiganwa ku magare mu marushanwa ya Tour du Rwanda berekeje muri ibi bice by'intara y'iburengerazuba.

Kugeza ubu abakinnyi b'abanyarwanda biganjemo abakina mu makipe yo hanze ni bo bakiri mu myanya y'imbere ku rutonde rw'agateganyo kuri ubu ruyobowe na Valens NDAYISENGA wasize bagenzi be kuri uyu wa kabiri igihe kirenga umunota.




Ba wambere gutanga igitekerezo

Tanga igitekerezo:



RSS FEED

Valens Ndayisenga niwe wegukanye igice cya 2 cya 'Tour du Rwanda'

Bugesera: Shampiyona y'amagare yatangiye yegukanwa na Adrien Niyonshuti