Abakoreraga Leta ubu bari muri 'pension' bavuga ko amafaranga bahabwa ari make

Umuryango nyarwanda  w'abari muri pension, bafata amafaranga y'izabukuru (pension) baravuga ko amafaranga bahabwa atajyanye n'igihe. Ubuyobozi bw'Ikigo cy'ubwiteganyirize RSSB bavuga ko iki kibazo kizwi kandi ko ubuvugizi bwacyo bugikomeje

Aba basaza bakoraga mu bigo bitandukanye bya leta n'ibyigenga bavuga ko ugereranije amafaranga bahembwaga bataragera mu zabukuru nayo bahembwa kuri ubu ngo ntajyanye n’igihe isi igezemo.

Ikigo gishinzwe gutanga Pansion cyatangiye mu w'1964, RSSB ivuga ko buri kwezi yakira amadosiye mashya 400 asaba amafaranga y'izabukuru.

Kuri ubu mu Rwanda abashesha akanguhe ibihumbi 36 nibo bafata amafaranga ya pension buri kwezi bishyurwa miliyari 1 na miliyoni 400. Abasaza 40% bafata  amafaranga make  bahembwa hagati y'ibihumbi 5200 na 20.000 naho abagera kuri 60% bagahembwa hagati y'ibihumbi 100 na 250 hakaba n'abandi 5% bahembwa ari hejuru ya miliyoni.

Inkuru ya Jean Paul TURATSINZE