Abakozi bakora mu buvuzi ntibazongera kwinjirana telefone mu kazi--Dr. Gashumba

Ministri w'ubuzima Dr. Diane Gashumba aratangaza ko guhera tariki ya 1 z'ukwezi gutaha, nta mukozi wo mu ivuriro rya Leta uzaba yemerewe kwinjirana telefone mu kazi, uzabirengaho akazafatirwa ingamba zikarishye. Ibi ni ibyatangajwe mu nama y'iminsi itatu yahuje abayobozi b'ibitaro n'abafite aho bahurira no kwita ku buzima bw'abaturage yitabiriwe n'abasaga 200 i Nyamata mu karere ka Bugesera.

Mu nama yahuje ubuyobozi bwa Minisiteri y'ubuzima, abayobozi b'ibitaro bya leta, abakuriye abaforomo mu bitaro, abashinzwe serivise mu nzego z'ubuvuzi, abahagarariye ingaga z'abakora mu buvuzi, abayobozi b'ubuturere bungirije bashinzwe imibereho y'abaturage, abagize inama z'ubutegetsi mu bitaro, bose hamwe bagera kuri 215 bavuga ko n'ubwo hari ibimaze kugerwaho mu mitangire ya Serivise ngo hari ibyo nabo bakwiye gukosora.

Dr Diane Gashumba Minisitiri w'ubuzima avuga ko batazihanganira umuntu wese ukora mu rwego rw'ubuzima utanga serivise mbi ku barwayi. Aha ni naho agaruka ku bakora mu buvuzi usanga birirwa ku matelefoni. Ariko ngo bigiye gucika guhera mu kwezi gutaha:

Mu bindi basanze bidindiza imitangire ya serivise zinoze, harimo ubushobozi buke bw'ibitaro bitagira ibikoresho n'imiti ndetse n'abaganga bake ugereranyije n'abarwayi bagana amavuriro. Minisiteri y'ubuzima irizeza ko nabyo bigenda bikemuka kuko leta yabishyizemo ingufu.

Inkuru mu mashusho: