Abanyeshuli bitoza ubuganga bahuye n'abadepite kubagezaho iby'imbogamizi mu kazi

Abanyeshuri 162 bize ishami ryo kuvura, gusuzuma no gutanga imiti bakarangiza bitwa medical Clinical officers bahuye na komisiyo ishinzwe uburezi, ikoranabuhanga, umuco n'urubyiruko mu nteko ishinga amategeko umutwe w'abadepite.

Babagezaho impungenge z'uko bakuwe mu kazi bakoraga k'ubuvuzi bakoraga nk'abaforomo ubwo bari bakiri ku rwego rwa A1. 

Minisiteri y'ubuzima ngo yagiranye nabo amasezerano yo kubarihira amafaranga yose y'ishuri barangiza kwiga bagahabwa akazi kagendanye n'ibyo bize. 

Nyamara ariko ngo bakimara kurangiza kwiga minisante ntiyigeze yubahiriza amasezerano bagiranye kuko yababwiye ko batari ku rutonde rw'abakozi bafata umushahara muri iyi Minisiteri. 

Iri shami rya  Clinical medicine and community health ryatangiye mu 2011, abarangije bwa mbere byari mu 2013, ariko kugeza na n'ubu baheze mu gihirahiro kuko batahawe akazi kandi barakuwe aho bakoraga ngo bajye kwiga.