Abaturage ntibumva kimwe itwikwa ry'abantu mu gihe amarimbi agenda yuzura

AGEZWEHO


Abaturage ntibumva kimwe itwikwa ry'abantu mu gihe amarimbi agenda yuzura

Yanditswe November, 09 2017 at 19:05 PM | 3062 Views



Akarere ka Gasabo karavuga ko hamaze kuboneka ubundi butaka buri kuri hegitari 2 n’igice zo kwaguriraho irimbi rya Rusororo. Ibi biravugwa mu gihe amarimbi yo hirya no hino mu mujyi wa Kigali agenda yuzura mbere y’igihe cyateganyijwe kandi n’abaturage bakaba batavuga rumwe ku bijyanye no gutwika imirambo nk’uburyo bwasimbura ubutaka bukoreshwa mu gushyingura.

Irimbi rya Rusororo riherereye mu karere ka Gasabo kuva ryatangira gushyingurwamo muri 2011, ubu hasigaye hegitari hafi 5 gusa bitewe n’uburyo abagana iri rimbi biyongereye, hakaba hari impungenge zo mu myaka 2 rizaba ryuzuye.

Bamwe mu baturage batuye mu mujyi wa Kigali bagaragaza impungenge z'uburyo gushyingura muri iki gihe hakoreshejwe sima n'amakaro ngo aribyo bimara ubutaka.

Ubuyobozi b'akarere ka Gasabo buvuga ko buri mu gikorwa cyo kwimura abaturage baturiye irimbi rya Rusororo kuri hegitari 2 n'igice mu rwego rwo kwagura iryo rimbi.

Akarere ka Gasabo gateganya kwishyura miliyoni 70 z’amafranga y’u Rwanda y’ingurane y’ubutaka buzagurirwaho  irimbi rya Rusororo. Mu rwego rwo kugabanya ubutaka ukoreshwa hashyingurwa, biranemewe mu Rwanda ko imirambo yatwikwa. Ariko ibi ntibivugwaho rumwe.

Imyemerere n'umuco biracyari imbogamizi ku itegeko ryemerera ubyifuza wese gusaba ko umurambo we wazatwikwa igihe azaba yitabye Imana.



Ba wambere gutanga igitekerezo

Tanga igitekerezo:



RSS FEED

KMH: Bungutse imashini yifashishwa mu gusuzuma no kuvura indwara ya kanseri

Ikibuga cy’indege cya Bugesera kizaba nyabagendwa mu mezi arindwi

Perezida Kagame yafunguye ku mugaragaro ikibuga cya Rafiki giherutse gusanwa

Madamu Jeannette Kagame arasaba abantu guharanira imikurire myiza y’abana

CoK: Barigira hamwe uruhare rw’abashoramari mu iterambere

Abasenateri bagiranye ibiganiro n’abanyamakuru ku mahame yo mu ngingo ya