Amadini n'amatorero barasabwa kwigisha abayoboke kwirinda ibiyobyabwenge

AGEZWEHO


Amadini n'amatorero barasabwa kwigisha abayoboke kwirinda ibiyobyabwenge

Yanditswe January, 22 2018 at 20:11 PM | 3064 Views



Polisi y'igihugu iratangaza ko abantu babarirwa mu bihumbi 4 mu mwaka ushize bafungiwe ibyaha birebana n'ikoreshwa ry'ibiyobyabwenge. Abayobozi b'amatorero n'amadini bakaba basaba buri wese kuba maso kuko ibiyobyabwenge bishobora kwifashishwa mu gusenya iterambere ry'igihugu.

Bamwe mu rubyiruko bemeza ko ubuzima bugoye umuntu acamo akenshi ari bwo ntandaro yo kwiyahuza ibiyobyabwenge cyane cyane ku bakiri bato. Akingeneye Jeannette agira ati, ''Ushobora kubura ababyeyi, ababyeyi bashobora kukwanga bamara kukwanga ni cyo cya gihe utangira kujya mu biyobyabwenge ''

Mu biganiro byahuje inzego zirimo Polisi, abihayimana, ministeri y'urubyiruko n'iy'ubuzima, ibiyobyabwenge byongeye kugaragazwa nk'icyorezo cyugarije urubyiruko rurimo n'urwo mu mashuli nk'uko umukuru wa Polisi, CGP Emmanuel Gasana yabigaragaje, ''Abana bacu mu mashuri hano mu mujyi ibirego bitugeraho abo dufata ibyo batubwira ni bibi ni bibi cyane bamwe batangiye gukoresha Heroine bya bindi bakoresha mu guhumeka umwuka cyangwa bitera urushinge abana bato b'imyaka 19, 18 amafaranga bayakura he ugasanga bayibye iwabo.''

Aba bihayimana basanga umuti w'ikibazo cy'ibiyobyabwenge mu rubyiruko ugomba gushakwa n'ababyeyi babigizemo uruhare kuko ibibazo byo mu ngo biri mu bitera abakiri bato kubyishoramo:

Umunyamabanga wa Leta muri Minisiteri y'Ubuzima, Dr. Patrick Ndimubanzi na we yemeza ko ibiyobyabwenge bigira ingaruka ku bukungu bw'igihugu. Ati, ''Nk'abana bavuka ku bantu banywa urumogi cyangwa ibindi bagira ubuzima bubi cyangwa ntibakure neza, bituma umuntu we ubwe ubuzima bwe butamera neza, bamwe ntago bashobora kwiga ngo bafate kuko baribagirwa abandi bagira ingaruka z'umutima ubwonko burangirika, impyiko, umwijima, urumogi n'ibindi biyobyabwenge bifata ahantu hose.''

Imibare ya Polisi igaragaza ko abantu barenga 4000 barimo abagore bagera kuri 500 bafunzwe bazira ibyaha bifitanye isano n'ibiyobyabwenge mu mwaka ushize wa 2017. Muri aba bafunzwe abari hagati y'imyaka 18-35 bari ku kigero cya 71.39%, dosiye z'ibyaha by'ibiyobyabwenge mu 2017 byihariye 18% bya dosiye zose z'ibyaha byagaragaye mu Rwanda.



Ba wambere gutanga igitekerezo

Tanga igitekerezo:



RSS FEED

Polisi y'u Rwanda irasaba abamotari kwirinda impanuka bagenda neza mu muhan

Polisi yakubye inshuro 10 ibihano byo kuvugira kuri telefone utwaye ikinyabiziga

Abafatiwe ibinyabiziga na polisi barasabwa kubahiriza amategeko ngo badahomba

Aba Polisi 111 bahawe ikiruhuko cy'izabukuru na polisi y'u Rwanda

Gasabo: Abakekwaho kwiba moto bafungiwe kuri sitasiyo ya polisi i Nduba

Gasabo: Polisi y'u Rwanda yangije ibiyobyabwenge bifite agaciro ka Miliyoni

RTV SCHEDULE