Bamwe mu bayobozi bagiranye umwiherero n'abafatanyabikorwa ba leta

Mu karere ka Rubavu hateraniye umwiherero wa 13 w'abafatanyabikorwa, ba Leta y'u Rwanda. Abawurimo baraganira ku nzira y'iterambere, imbogamizi zirimo n'ibiteganywa mu minsi iri imbere.

Ihuriro ry'abafatanyabikorwa ba guverinoma rigizwe n'abayobozi bakuru b'igihugu n'abafatanyabikorwa barimo abahagarariye imiryango n'ibihugu bitera inkunga u Rwanda. Ni inama y'iminsi 2 yo ku rwego rwo hejuru bahuriyemo bakazaganira ku ngamba z'Imbaturabukungu EDPRS II, na za politiki z'ingenzi ubukungu bw'u Rwanda bwubakiyeho.

Hararebwa no ku igenamigambi ry'umwaka wa 2017-2018, ndetse n'icyerekezo cya 2050 batibagiwe n'ibiteganywa muri EDPRS III.

Iyi nama igamije kandi gutegurira hamwe n'abafatanyabikorwa ahava ubushobozi buzifashishwa mu gushyira mu bikorwa politiki z'iterambere ry'u Rwanda muri izo nzego z'ingenzi.

Uyu mwiherero uyobowe na ministre w'imari n'igenamigambi, amb. Claver Gatete ufite insangamatsiko igira iti, ubufatanye buhamye ku bw'iterambere rirambye